ജിദ്ദ: വിദേശ ശാസ്ത്രജ്ഞര്‍ക്കു സൗജന്യ വിസ നല്‍കുമെന്ന് സഊദി അറേബ്യ. ആരോഗ്യമേഖലയെ പുഷ്ടിപ്പെടുത്തുകയെന്ന ലക്ഷ്യത്തോടെയാണു തീരുമാനം. സഊദി ഹെല്‍ത്ത് കൗണ്‍സില്‍ ജനറല്‍ സെക്രട്ടറി അഹമ്മദ് അല്‍ ആമിരി തീരുമാനത്തെ സ്വാഗതം ചെയ്തു. രാജ്യത്തെ ആരോഗ്യമേഖലയ്ക്കു തീരുമാനം ഗുണം ചെയ്യുമെന്നും അദ്ദേഹം പറഞ്ഞു.
വിവിധ വിഷയങ്ങളില്‍ കഴിവ് തെളിയിച്ചവര്‍ക്കാണു സൗജന്യ വിസ അനുവദിക്കുക. സഊദി നടത്തുന്ന റിസര്‍ച്ച് പ്രോഗ്രാമുകളില്‍ വിദഗ്ധരെ പങ്കെടുപ്പിക്കാനാണു പദ്ധതി. 2012 മുതല്‍ മെര്‍സ് വൈറസ് രാജ്യത്തിനു കനത്ത ഭീഷണി ഉയര്‍ത്തുന്നുണ്ട്. ഇതു നിര്‍മാര്‍ജനം ചെയ്യാനായി വിദഗ്ധരുടെ മേല്‍നോട്ടത്തില്‍ പല പരീക്ഷണങ്ങളും നടന്നുവരുന്നുണ്ട്.