വിയന്ന: ഇറാനുമായുള്ള ആണവ കരാര്‍ തകര്‍ന്നാല്‍ വന്‍ നഷ്ടമായിരിക്കുമെന്ന് യു.എന്‍ ആണവ ഏജന്‍സി തലവന്‍ യുകിയാ അമാനോ ട്രംപിനു മുന്നറിയിപ്പ് നല്‍കി. ഇറാനുമായുള്ള ആണവ കരാറില്‍നിന്നു പിന്മാറുമെന്ന് ട്രംപ് നേരത്തെ ഭീഷണി മുഴക്കിയിരുന്നു.
യു.എന്‍ ആണവ ഏജന്‍സിയുടെ കീഴില്‍ ഇറാനിലെ ആണവ പരിശോധന ഏറ്റവും ഊര്‍ജിതമായി നടന്നുകൊണ്ടിരിക്കുകയാണ്. ആവശ്യമുള്ള മുഴുവന്‍ പ്രദേശങ്ങളില്‍ സന്ദര്‍ശനസൗകര്യം അവര്‍ ഒരുക്കിയിട്ടുണ്ട്.
ആണവ കരാര്‍ നിലവില്‍ വന്നതു മുതല്‍ ഇറാനിലെ 190 കെട്ടിടങ്ങളില്‍ പരിശോധന നടത്തിയിട്ടുണ്ടെന്നും അദ്ദേഹം കൂട്ടിച്ചേര്‍ത്തു.