വാട്‌സ്ആപ്പ് നമ്പര്‍ മാറ്റത്തില്‍ കൂടുതല്‍ സൗകര്യമൊരുക്കി പുതിയ വേര്‍ഷന്‍. ഐ.ഒ.എസ്, ആന്‍ഡ്രോയിഡ്, വിന്‍ഡോസ് ഫോണ്‍ ഉപയോക്താക്കള്‍ക്ക് നിലവിലുള്ള അക്കൗണ്ട് നഷ്ടപ്പെടുത്താതെ തന്നെ മറ്റൊരു നമ്പറിലേക്കു മാറാം.

ആന്‍ഡ്രോയിഡ് 2.18.97 ബീറ്റാ വേര്‍ഷനില്‍ മാറ്റം ലഭ്യമാണ്. ഐ.ഒ.എസില്‍ വൈകാതെ ലഭ്യമാവും.

നമ്പര്‍ മാറ്റ സൗകര്യം മുന്‍പേ ഉണ്ടെങ്കിലും നിരവധി മെച്ചപ്പെടുത്തല്‍ ഉള്‍പ്പെടുത്തിയാണ് പുതിയ ഫീച്ചര്‍. ചാറ്റ് ഹിസ്റ്ററി മുഴുവനായും പുതിയ നമ്പറിലും ലഭിക്കും. നമ്പര്‍ മാറിയതായി തെരഞ്ഞെടുക്കപ്പെട്ടവരെയോ പ്രത്യേക ഗ്രൂപ്പിനെയോ അറിയിക്കാനും സൗകര്യമുണ്ട്.

എല്ലാ കോണ്‍ടാക്ടുകളെ വേണമെങ്കില്‍ അങ്ങനെയും ചിലതു മാത്രമെങ്കില്‍ അതിനും സൗകര്യമുണ്ട്. വാട്‌സ്ആപ്പ് സെറ്റിങ്‌സില്‍ അക്കൗണ്ട് ഒപ്ഷന്‍ തെരഞ്ഞെടുത്താണ് മാറ്റം വരുത്താനാവുക.