മനാമ: ബഹ്‌റൈനിൽ വരും മണിക്കൂറുകളിൽ കാലാവസ്ഥയിൽ മാറ്റമുണ്ടാകുമെന്ന് കാലാവസ്ഥാ വകുപ്പിന്റെ മുന്നറിയിപ്പ്. പകൽ സമയത്ത് ആകാശം ഭാഗികമായി മേഘാവൃതമായിരിക്കുമെന്നും ചിലയിടങ്ങളിൽ ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്നും റിപ്പോർട്ടിൽ പറയുന്നു.

ശക്തമായ കാറ്റിനും കടൽ പ്രക്ഷുബ്ധമാകാനും സാധ്യതയുള്ളതിനാൽ ജാഗ്രത പാലിക്കണമെന്ന് അധികൃതർ നിർദ്ദേശിച്ചു. വടക്കുപടിഞ്ഞാറൻ ദിശയിൽ നിന്ന് മണിക്കൂറിൽ 12 മുതൽ 17 നോട്ട് വരെ വേഗതയിൽ കാറ്റ് വീശാൻ സാധ്യതയുണ്ട്. പകൽ സമയത്ത് ഇത് 25 നോട്ട് വരെയും, ഇടിമിന്നലുള്ള സമയങ്ങളിൽ പരമാവധി 30 നോട്ട് വരെയും ഉയരാം.

ALSO READ: ബഹ്‌റൈനില്‍ പ്രവാസികള്‍ക്ക് തിരിച്ചടിയുടെ കാലം; സ്വദേശിവല്‍ക്കരണം ഊര്‍ജിതമാക്കുന്നു; വിദേശികള്‍ക്ക് പകരം സ്വദേശികളെ നിയമിക്കാനുള്ള നീക്കത്തിന് പാര്‍ലമെന്റിന്റെ പച്ചക്കൊടി

കരയോട് ചേർന്ന ഭാഗങ്ങളിൽ തിരമാലകൾ 1 മുതൽ 3 അടി വരെയും, ആഴക്കടലിൽ 4 മുതൽ 7 അടി വരെയും ഉയരാൻ സാധ്യതയുണ്ട്.  വായുവിലെ ഈർപ്പത്തിന്റെ അളവ് പരമാവധി 90 ശതമാനം വരെ ഉയരാൻ സാധ്യതയുണ്ട്. കുറഞ്ഞ ഈർപ്പം 30 ശതമാനമായിരിക്കും.

ശക്തമായ കാറ്റിനും ഇടിമിന്നലോടുകൂടിയ മഴയ്ക്കും സാധ്യതയുള്ളതിനാൽ കടലിൽ പോകുന്നവരും വാഹനയാത്രികരും ജാഗ്രത പാലിക്കണം. കാലാവസ്ഥയെക്കുറിച്ചുള്ള കൂടുതൽ അപ്‌ഡേറ്റുകൾക്കായി www.bahrainweather.gov.bh എന്ന വെബ്‌സൈറ്റ് സന്ദർശിക്കാവുന്നതാണ്.

bahrain’s meteorological department has warned of thunderstorms and rainfall across the country. residents are advised to take precautions, avoid open areas, and stay updated with official alerts as unstable weather conditions may impact visibility and road safety in coming days.