HOME
DETAILS

കൊല്ലപ്പെട്ട ആര്‍.എസ്.എസുകാരന്റെ കുടുംബത്തിന് അമിത്ഷായുടെ അഞ്ചുലക്ഷം: തെരഞ്ഞെടുപ്പ് ചട്ടം ലംഘിച്ചെന്ന് കോണ്‍ഗ്രസ്

  
backup
March 30 2018 | 15:03 PM

amit-shah-pays-rs-5-lakh-to-late-rss-workers-family

 
ബംഗളൂരു: നിയമസഭാ തെരഞ്ഞെടുപ്പ് പ്രഖ്യാപിച്ച കര്‍ണാടകയില്‍ ബി.ജെ.പി ദേശീയ അധ്യക്ഷന്‍ അമിത്ഷാ തെരഞ്ഞെടുപ്പ് പെരുമാറ്റച്ചട്ടം ലംഘിച്ചെന്നു കാട്ടി കോണ്‍ഗ്രസിന്റെ പരാതി. മൈസൂരില്‍ കൊല്ലപ്പെട്ട ആര്‍.എസ്.എസ് പ്രവര്‍ത്തകന്റെ കുടുംബത്തിന് അമിത്ഷാ അഞ്ചുലക്ഷം രൂപയുടെ ചെക്ക് കൈമാറിയെന്നാണ് പരാതി.
 
കര്‍ണാടക ബി.ജെ.പി അധ്യക്ഷന്‍ ബി.എസ് യെദ്യൂരപ്പ, കേന്ദ്രമന്ത്രി ആനന്ദ് കുമാര്‍, എം.പി പ്രതാപ് സിംഹ എന്നിവര്‍ ഒന്നര വര്‍ഷം മുന്‍പ് കൊല്ലപ്പെട്ട ആര്‍.എസ്.എസ് പ്രവര്‍ത്തകന്‍ രാജുവിന്റെ വീട്ടില്‍ അമിത്ഷായോടൊപ്പം എത്തിയത്. ഈ സമയത്ത് അഞ്ചു ലക്ഷം രൂപയുടെ ചെക്ക് കൈമാറിയത് തെരഞ്ഞെടുപ്പ് പെരുമാറ്റ ചട്ട ലംഘനമാണെന്ന് കോണ്‍ഗ്രസിന്റെ പരാതിയില്‍ പറയുന്നു. കൈക്കൂലി നല്‍കി തെരഞ്ഞെടുപ്പിനെ സ്വാധീനിക്കാന്‍ ശ്രമിക്കുകയാണെന്നും പരാതിയില്‍ പറയുന്നു.
 
അതേസമയം, മുഖ്യമന്ത്രി സിദ്ധരാമയ്യ രണ്ടു പേര്‍ക്ക് 2000 രൂപ വീതംവച്ച് കൈമാറിയെന്ന് ബി.ജെ.പി പരാതിപ്പെട്ടു. മൈസൂരുവില്‍ ചാമുണ്ഡേശ്വരി ക്ഷേത്രത്തില്‍ വച്ച് പണം കൈമാറിയെന്നാണ് തെരഞ്ഞെടുപ്പ് കമ്മിഷനില്‍ പരാതി നല്‍കിയത്.
 

 
 


Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."