മുംബൈ: റിലയന്‍സ് ഫൗണ്ടേഷന്‍ സ്ഥാപകയും ചെയര്‍പേഴ്‌സനുമായ നിത അംബാനിയെ അന്താരാഷ്ട്ര ഒളിംപിക് കമ്മിറ്റിയിലേക്കുള്ള തെരഞ്ഞെടുപ്പിനു നാമനിര്‍ദേശം ചെയ്തു. ഒളിംപിക് കമ്മിറ്റിയിലേക്ക് ശുപാര്‍ശ ചെയ്യപ്പെടുന്ന ആദ്യ ഇന്ത്യന്‍ വനിതയായി ഇതോടെ നിത അംബാനി മാറി.
നിതയടക്കം എട്ടു പുതിയ പേരുകളാണ് നിര്‍ദേശിക്കപ്പെട്ടത്. ഇതോടെ ഒളിംപിക് കമ്മിറ്റിയിലെ അംഗങ്ങളുടെ എണ്ണം 99 ആയി.
അതേസമയം ഫിഫ പ്രസിഡന്റ് ജിയാന്നി ഇന്‍ഫാന്റിനോ, അന്താരാഷ്ട്ര അത്‌ലറ്റിക് ഫെഡറേഷന്‍ തലവന്‍ സെബാസ്റ്റ്യന്‍ കോ എന്നിവര്‍ക്ക് നാമനിര്‍ദേശം ലഭിച്ചില്ല.
ഇതോടെ ലോകത്തിലെ ഏറ്റവും ജനപ്രിയ കായിക ഇനങ്ങളായ ഫുട്‌ബോളിനും അത്‌ലറ്റിക്‌സിനും ഒളിംപിക് കമ്മിറ്റിയില്‍ പ്രതിനിധികളുണ്ടാവില്ല.