ആനക്കര : ആനക്കരയിലെ ഗിന്നസ് സെയ്തലവി ഒരാളുടെ വയറിന് മുകളില്‍ 4 കിലോവിലധികം തൂക്കമുളള 56 തണ്ണിമത്തന്‍ 57 സെക്കന്റില്‍ മൂര്‍ച്ചയേറിയ വാളുകൊണ്ട് വെട്ടി ഗിന്നസ്് ലോക റെക്കോര്‍ഡിട്ടു. കുമ്പിടിയിലെ നാസ് ഓഡിറ്റേറിയത്തില്‍ വി.ടി.ബല്‍റാം എം.എല്‍.എ, ജില്ലാ കലക്ടര്‍ ജെറോമിക് ജോര്‍ജ് ഐ.എ.എസ്, കില്‍ഫ്ര സ്‌പെഷ്യല്‍ തഹസില്‍ദാര്‍ പി.പി.ജയരാജന്‍, ഡോ. സുനില്‍കുമാര്‍, പി.എം.അസീസ്, കെ.പി മുഹമ്മദ്, ഒഫീഷ്യല്‍ വിറ്റ്‌നസ്സിന്റെയും ലോക റെക്കോര്‍ഡ് ജേതാക്കളുടെയും പൊലിസ് അടക്കമുളള ഉദ്യോഗസ്ഥരുടെയും നാട്ടുകാരുടെയും സാന്നിധ്യത്തിലാണ് റോക്കോര്‍ഡ് പ്രകടനം നടത്തിയത്.
കൊരട്ടിപറമ്പില്‍ ഗിരീഷിന്റെ വയറിന് മുകളില്‍ തണ്ണിമത്തനുകള്‍ വെച്ചാണ് സെയ്തലവി തന്റെ പ്രകടനം നടത്തിയത്.
സെയ്തലവിയുടെ ശിഷ്യനാണ് ഗിരീഷ്. പ്രകടനത്തിന്റെ വീഡിയോ, സീഡികള്‍, ഫോട്ടോകള്‍ അടക്കം ഗിന്നസ് അധികൃതര്‍ക്ക് സമര്‍പ്പിക്കും. പിന്നീട് മൂന്ന് മാസം കഴിഞ്ഞാണ് ഔദ്യോഗിക പ്രഖ്യാപനം വരിക.
സെയ്തലവിയുടെ റൊക്കോര്‍ഡ് പ്രകടനത്തിന് ഷാജി ഒതളൂര്‍ നേതൃത്വം നല്‍കി.