കാസര്‍കോട്: സമസ്ത കേരള ജംഇയ്യത്തുല്‍ ഉലമയുടെ നൂറാം വാര്‍ഷികത്തിന്റെ ഭാഗമായി നടക്കുന്ന ഇന്റര്‍സോണ്‍ ആദര്‍ശ ക്യാംപ് ഇന്ന് ചെര്‍ക്കള ഖുവ്വത്തുല്‍ ഇസ്‌ലാം മദ്‌റസയില്‍ നടക്കും. ദക്ഷിണ കന്നഡയിലെ മംഗളൂരു, ഉഡുപ്പി, ഹാസന്‍, ചിക്കമംഗളൂരു എന്നീ ജില്ലകള്‍ക്ക് പുറമെ അയ്യായിരത്തിലധികം പ്രതിനിധികള്‍ ആദര്‍ശ ക്യാംപില്‍ സംബന്ധിക്കും.
രാവിലെ 9.30ന് പതാക ഉയര്‍ത്തുന്നതോടെ ക്യാംപിന് തുടക്കമാകും. തുടര്‍ന്ന് നടക്കുന്ന സംഗമം സമസ്ത ജില്ലാ പ്രസിഡന്റ് ത്വാഖാ അഹമ്മദ് അല്‍ അസ്ഹരി ഉദ്ഘാടനം ചെയ്യും. ജില്ലാ സെക്രട്ടറി യു.എം അബ്ദുല്‍റഹ്മാന്‍ മൗലവി അധ്യക്ഷനാകും. സമസ്ത വിദ്യാഭ്യാസ ബോര്‍ഡ് സെക്രട്ടറി എം.എ ഖാസിം മുസ്‌ലിയാര്‍ സ്വാഗതം പറയും. സമസ്ത വൈസ് പ്രസിഡന്റ് മിത്തവയല്‍ അബ്ദുല്‍ ജബ്ബാര്‍ മുസ്‌ലിയാര്‍, സമസ്ത ജില്ലാ ട്രഷറര്‍ കെ.ടി അബ്ദുല്ല ഫൈസി, വൈസ് പ്രസിഡന്റ് ഇ.കെ മഹ്മൂദ് മുസ്‌ലിയാര്‍, പയ്യക്കി അബ്ദുല്‍ ഖാദര്‍ മുസ്‌ലിയാര്‍, എം.എസ് തങ്ങള്‍ മദനി ഓലമുണ്ട, സമസ്ത ദക്ഷിണ കന്നഡ ജില്ലാ പ്രസിഡന്റ് സയ്യിദ് എന്‍.പി.എം സൈനുല്‍ ആബിദീന്‍ തങ്ങള്‍ അല്‍ ബുഖാരി, ജനറല്‍ സെക്രട്ടറി അബ്ദുല്‍ ഖാദര്‍ അല്‍ ഖാസിമി ബംബ്രാണ, ചെര്‍ക്കളം അബ്ദുല്ല, സയ്യിദ് ടി.കെ പൂക്കോയ തങ്ങള്‍ ചന്ദേര, മെട്രോ മുഹമ്മദ് ഹാജി, ബാഷാ തങ്ങള്‍ മംഗളൂരു, ടി.പി അലി ഫൈസി, സയ്യിദ് ഹുസൈന്‍ തങ്ങള്‍, അബൂബക്കര്‍ സാലൂദ് നിസാമി, ലത്വീഫ് ചെര്‍ക്കള, താജുദ്ദീന്‍ ദാരിമി പടന്ന, മുഹമ്മദ് ഫൈസി കജ, ശറഫുദ്ദീന്‍ കുണിയ, ഹാരിസ് ദാരിമി ബെദിര, കണ്ണൂര്‍ അബ്ദുല്ല മാസ്റ്റര്‍, ഐ. മൊയ്തീനബ്ബ ഹാജി, റഷീദ് ഹാജി സംബന്ധിക്കും.
തുടര്‍ന്ന് നടക്കുന്ന ആദര്‍ശ ക്യാംപിന്റെ ഒന്നാം സെഷനില്‍ 'മുജാഹിദ് പ്രസ്ഥാനം അപചയങ്ങള്‍ക്കു മധ്യേ' എന്ന വിഷയത്തില്‍ നാസര്‍ ഫൈസി കൂടത്തായി ക്ലാസ് നയിക്കും. രണ്ടാം സെഷനില്‍ 'സമസ്ത നൂറാം വര്‍ഷത്തിലേക്ക്' എന്ന വിഷയത്തില്‍ സത്താര്‍ പന്തല്ലൂര്‍ ക്ലാസ് നയിക്കും. മൂന്നാം സെഷനില്‍ അഡ്വ. ഓണമ്പള്ളി മുഹമ്മദ് ഫൈസി വിഷയാവതരണം നടത്തും. നാലാം സെഷനില്‍ 'അഹ്‌ലുസുന്ന' എന്ന വിഷയത്തില്‍ അബ്ദുല്‍ ഹമീദ് ഫൈസി അമ്പലക്കടവ് ക്ലാസ് നയിക്കും.