വാഷിങ്ടണ്‍: യു.എസ് നഗരമായ നാഷ്‌വില്ലെയില്‍ റെസ്റ്റൊറന്റില്‍ നടന്ന വെടിവയ്പ്പില്‍ മൂന്നു മരണം. വിവസ്ത്രനായെത്തിയ തോക്കുധാരിയാണ് ഇന്നലെ രാവിലെ റെസ്റ്റൊറന്റിലുള്ളവര്‍ക്കെതിരേ വെടിയുതിര്‍ത്തത്.
യു.എസ് സംസ്ഥാനമായ ടെന്നസിയുടെ പ്രാന്തപ്രദേശത്താണു സംഭവം. വെടിവയ്പ്പില്‍ നാലു പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.
ഇതില്‍ ഒരാളുടെ സ്ഥിതി ഗുരുതരമാണ്. അക്രമിയെ കണ്ടെത്താനായിട്ടില്ല.