ഗൂഡല്ലൂര്‍: മോഴയാന റോഡില്‍ ഇറങ്ങി പരിഭ്രാന്തി പരത്തി. പന്തല്ലൂര്‍-കൊളപ്പള്ളി-ഏലിയാസ്‌കട പാതയിലെ ഏലമണ്ണയില്‍ റോഡില്‍ മോഴാന ഇറങ്ങിയത് പരിഭ്രാന്തി പരത്തി. ഇന്നലെ രാവിലെ ആറ് മണിക്കാണ് സംഭവം.
വിവരമറിഞ്ഞ് ചേരമ്പാടി ഫോറസ്റ്റ് റെയ്ഞ്ചര്‍ ഗണേഷന്റെ നേതൃത്വത്തിലുള്ള വനപാലക സംഘം സ്ഥലത്തെത്തി പടക്കംപൊട്ടിച്ച് ആനയെ വനത്തിലേക്ക് തുരത്തിയോടിക്കുകയായിരുന്നു.
ഒമ്പത് ആനകളടങ്ങിയ കാട്ടാനക്കൂട്ടവും ദിവസങ്ങളായി പ്രദേശത്ത് ഭീതിപരത്തുന്നുണ്ട്.