വാഷിംഗ്ടണ്‍: ഡെമോക്രാറ്റിക് പാര്‍ട്ടിയുടെ അമേരിക്കന്‍ പ്രസിഡനന്റ് സ്ഥാനാര്‍ഥിയായി ഹിലരി ക്ലിന്റണിന് ഔദ്യോഗിക അംഗീകാരം. അമേരിക്കന്‍ പ്രസിഡന്റ് ബരാക് ഒബാമ ഹിലരിയുടെ സ്ഥാനാര്‍ഥിത്വം ഔദ്യോഗികമായി അംഗീകരിച്ചു. ഹിലരിക്കെതിരെ മത്സരിക്കുന്ന ബെര്‍ണി സാന്റേഴ്‌സുമായി കൂടിക്കാഴ്ച്ച നടത്തിയ ശേഷമാണ് ഒബാമ തന്റെ നിലപാട് വ്യക്തമാക്കിയത്.

തന്റെ പിന്‍ഗാമിയാവാന്‍ ഏറ്റവും യോഗ്യയായ വ്യക്തി ഹിലരിയാണെന്ന് ഒബാമ പറഞ്ഞു. ഹിലരിക്കു വേണ്ടി ഉടന്‍ പ്രചാരണത്തിനിറങ്ങുമെന്നും ഒബാമ വ്യക്തമാക്കി. ഹിലരിയും സാന്റേഴ്‌സുമായി പ്രൈമറിയില്‍ പല അഭിപ്രായ വ്യത്യാസങ്ങളുണ്ടെങ്കിലും രണ്ടുപേരും രാജ്യത്തിന്റെ പുരോഗതിക്കായി അഹോരാത്രം പ്രയത്‌നിക്കുന്നവരാണെന്നും ഒബാമ പറഞ്ഞു. ഒബാമയുടെ പിന്തുണ തനിക്ക് ലഭിച്ച ഏറ്റവും വലിയ അംഗീകാരമാണെന്നായിരുന്നു ഹിലരിയുടെ പ്രതികരണം. ജൂലൈയില്‍ നടക്കുന്ന ഡെമോക്രാറ്റിക് കണ്‍വെന്‍ഷനായിരിക്കും ഹിലരിയാണോ സാന്റേഴ്‌സണ്‍ ആണോ സ്ഥാനാര്‍ഥിയെന്ന് തീരുമാനിക്കുക.