റിയാദ്: യെമനിലെ മആരിബിൽ സൈനികരടക്കകം നൂറോളം പേരുടെ ജീവഹാനി നഷ്ടപ്പെട്ട ആക്രമണത്തിൽ സഊദി അറേബ്യായും അറബ് ലീഗും അതിശക്തമായി അപലപിച്ചു. സഊദി വിദേശ കാര്യ മന്ത്രാലയമാണ് ഹൂത്തി മിലീഷ്യകൾ മസ്ജിദിൽ നടത്തിയ ആക്രമണത്തിനെതിരെ അതിരൂക്ഷമായി രംഗത്തെത്തിയത്. മനഃസാക്ഷിക്കുത്തില്ലാത്ത പ്രവർത്തനമാണ് ഹൂതികൾ നടത്തിയതെന്ന് സഊദി ആരോപിച്ചു. വിശുദ്ധ കേന്ദ്രങ്ങളും യെമനികളുടെ രക്തവും ഹൂത്തി മിലീഷ്യകൾക്ക് യാതൊരു വിലയുമില്ലെന്നതിന്റെ ഉദാഹരണമാണ് സംഭവം.  യെമൻ സംഘർഷത്തിന് രാഷ്ട്രീയ പരിഹാരം കാണുന്നതിനുള്ള ശ്രമങ്ങൾക്ക് തുരങ്കം വെക്കുന്നതിനുള്ള കരുതിക്കൂട്ടിയുള്ള ശ്രമമാണ് പൈശാചികമായ ഈ ഭീകരാക്രമണമെന്നും യെമനികൾക്കൊപ്പം സഊദി അറേബ്യ നിലയുറപ്പിക്കുമെന്നും സഊദി വിദേശ മന്ത്രാലയം പറഞ്ഞു.  

       ഇറാൻ പിന്തുണയുള്ള ഹൂത്തി മിലീഷ്യകൾ മാരിബിൽ സൈനിക പരിശീലന ക്യാമ്പിലെ മസ്ജിദിൽ നടത്തിയ ഭീകരാക്രമണത്തെ അറബ് ലീഗ് സെക്രട്ടറി ജനറൽ അഹ്മദ് അബുൽഗെയ്ത്തും അപലപിച്ചു.