കറുത്തനിറമുള്ള ഒരു പക്ഷിയാണ് കാക്ക. മുട്ടയിട്ട് കുഞ്ഞുങ്ങളെ വിരിയിക്കുന്ന പക്ഷികളാണ് കാക്കകള്‍. Corvidae ഫാമിലിയില്‍പ്പെട്ടതാണ് കാക്കകള്‍. ബുദ്ധിമാന്മാരാണ് കാക്കള്‍ എന്ന് ഗവേഷണ പഠനങ്ങളില്‍ പറയുന്നുണ്ട്.

മനുഷ്യനെ ആശ്രയിച്ചാണ് കാക്കകള്‍ ജീവിക്കുന്നത്. ഗ്രാമങ്ങളിലും ചെറു പട്ടണങ്ങളിലുമാണ് കാക്കകളെ കൂടുതലായി കാണുന്നത്. മനുഷ്യര്‍ ഉപേക്ഷിക്കുന്ന മാലിന്യങ്ങളാണ് ഇവ സാധാരണയായി ഭക്ഷണമാക്കാറുള്ളത്. ആഹാരം തേടുന്നതും ചേക്കേറുന്നതും കൂട്ടമായാണ്. എന്നാല്‍ മുട്ടയിട്ടു കുഞ്ഞുങ്ങളെ വിരിയിക്കുന്നതിനായി ചുള്ളിക്കമ്പുകളും നാരുകളും ഉപയോഗിച്ച് കൂടുണ്ടാക്കി ഒറ്റക്ക് ജീവിക്കുകയും കുഞ്ഞുങ്ങള്‍ വളര്‍ന്നാല്‍ കൂടു പൊളിച്ച് മറ്റുള്ളവരോടൊപ്പം ചേരുകയും ചെയ്യും.

ദിവസവും കുളിക്കാറുള്ള പക്ഷികളാണ് കാക്കകള്‍. കുളി കഴിഞ്ഞ് തൂവലുകള്‍ ചീകി ഒതുക്കുന്നു. കാക്കകള്‍ രണ്ടു തരത്തിലുണ്ട്. ബലി കാക്കകളും പേന കാക്കകളും. ബലി കാക്കകള്‍ക്ക് നല്ല കറുപ്പ് നിറമാണ്. പേന കാക്കകളുടെ കഴുത്തിന് ചുറ്റും ചാര നിറത്തിലുള്ള തൂവലുകള്‍ കാണപ്പെടുന്നു. പരിസരങ്ങളിലെ മാലിന്യ നിര്‍മാര്‍ജ്ജനം ചെയ്യുന്നതിന് കാക്കകള്‍ നന്നായി സഹായിക്കുന്നു.