തിരുവനന്തപുരം: മെത്രാന്‍ കായലിലും ആറന്‍മുളയിലും കൃഷിയിറക്കാന്‍ സര്‍ക്കാര്‍ പദ്ധതി. കൃഷിവകുപ്പ് സെക്രട്ടറിയോട് കൃഷിമന്ത്രി വി.എസ് സുനില്‍കുമാര്‍ ഇതു സംബന്ധിച്ച് റിപ്പോര്‍ട്ട് ആവശ്യപ്പെട്ടു. ഈ മാസം 17 നകം റിപ്പോര്‍ട്ട് സമര്‍പ്പിക്കണം. മന്ത്രി മെത്രാന്‍ കായല്‍ സന്ദര്‍ശിക്കും.

സര്‍ക്കാര്‍ ചെലവില്‍ ഈ രണ്ടു സ്ഥലങ്ങളും കാര്‍ഷിക സമൃദ്ധിയിലേക്ക് തിരിച്ചു കൊണ്ടുവരികയാണ് ലക്ഷ്യമെന്ന് വി.എസ് സുനില്‍കുമാര്‍ പറഞ്ഞു.

മെത്രാൻ കായലിൽ 378 ഏക്കർ നിലം നികത്തി വി​നോദ സഞ്ചാര പദ്ധതി ആവിഷ്​കരിക്കാനാണ്​ കഴിഞ്ഞ യു.ഡി.എഫ്​സർക്കാർ അനുമതി നൽകിയിരുന്നത്​. മെത്രാന്‍കായല്‍ നികത്താനുള്ള  ഉത്തരവ് ഹൈക്കോടതി സ്‌റ്റേ ചെയ്തിരുന്നു.