വിജയവാഡ: ആന്ധ്രാപ്രദേശില്‍ സ്വകാര്യ ബസ് കനാലിലേക്ക് മറിഞ്ഞ് എട്ടു മരണം. നാല്‍പത് പേര്‍ക്ക് പരുക്കേറ്റു. കൃഷ്ണ ജില്ലയിലെ മുല്ലപ്പെടുവില്‍ ഇന്ന് പുലര്‍ച്ചെ ആറോടെയായിരുന്നു അപകടം. പരുക്കേറ്റവരെ വിജയവാഡയിലെ ആശുപത്രിയില്‍ പ്രവേശിപ്പിച്ചു.

വിസാഖില്‍ നിന്ന് ഹൈദരാബാദിലേക്ക് പോവുകയായിരുന്ന ബസ് നിയന്ത്രണം വിട്ട് പാലത്തിന്റെ കൈവരികള്‍ തകര്‍ത്ത് വെള്ളത്തിലേക്ക് വീഴുകയായിരുന്നു. ഏഴ് പേര്‍ സംഭവസ്ഥലത്തുവെച്ചും ഒരാള്‍ ആശുപത്രിയിലേക്ക് കൊണ്ടുപോകും വഴിയുമാണ് മരിച്ചത്. അപകടം നടക്കുമ്പോള്‍ ബസ്സില്‍ 60 യാത്രക്കാര്‍ ഉണ്ടായിരുന്നു.