ഫാറൂഖ് കോളജ്: കേരളത്തിന്റെ വിദ്യാഭ്യാസ, സാമൂഹിക, സാംസ്‌കാരിക പുരോഗതിയില്‍ ഫാറൂഖ് കോളജിന്റെ പങ്ക് വലുതെന്ന് ജമ്മു കാശ്മീര്‍ ഇസ്‌ലാമിക് യൂനിവേഴ്‌സിറ്റി ഓഫ് സയന്‍സ് ആന്റ് ടെക്‌നോളജി പ്രൊഫസ്സര്‍ ഡോ. ഇര്‍ഫാനി റഹീം അഭിപ്രായപ്പെട്ടു.

ഫാറൂഖ് കോളജ് അറബിക് അസോസിയേഷന്‍ സംഘടിപ്പിച്ച ഇബ്‌നുഖല്‍ദൂന്‍ പ്രഭാഷണ പരമ്പരയില്‍ സംസാരിക്കുകയായിരുന്നു. അറബിക് ഭാഷയുടെ വാണിജ്യ പ്രസക്തി ആഗോളതലത്തില്‍ വര്‍ദ്ധിക്കുന്നുവെന്നും അതിന്റെ സാധ്യതകളെ ഉപയോഗത്തണമെന്നും ഡോ. ഇര്‍ഫാനി റഹീം ഉപദേശിച്ചു.

യു.ജി.സി നെറ്റ് ജെ.ആര്‍.എഫ് ജേതാക്കളെ ഫാറൂഖ് കോളജ് അറബിക് അസോസിയേഷന്‍ ആദരിച്ചു. അറബിക് വകുപ്പ് മേധാവി ഡോ. അലി നൗഫല്‍ അധ്യക്ഷത വഹിച്ചു. ഡോ. യൂനുസ് സലീം ആമുഖഭാഷണം നടത്തി. ഡോ. ഇ.കെ. സാജിദ്, ഡോ. അബ്ദുല്‍ മജീദ്, ഡോ.യു.പി മുഹമ്മദ് ആബിദ്, ഡോ. അബദുല്‍ ജലീല്‍, ഡോ. സഗീറലി.ടി.പി, ഡോ. അബ്ബാസ് കെ.പി, നാജി അഹ്മദ് സംസാരിച്ചു.