ടോക്കിയോ: ലോകത്തെ പുത്തന്‍ സാങ്കേതിക വിദ്യകള്‍ ന്യൂ ജനറേഷന് മാത്രമേ വഴങ്ങൂ എന്ന ധാരണക്ക് മറുപടിയുമായി 81കാരിയായ വനിത നിര്‍മിച്ച ആപ്ലിക്കേഷന്‍ പുറത്തിറങ്ങി. ജപ്പാന്‍കാരിയായ മസാക്കോ വകാമിയയാണ് ജപ്പാന്റെ പരമ്പരാഗത പാവകളെ ഒരുമിപ്പിക്കുന്ന ആപ്പുമായി രംഗത്തെത്തിയത്.

ജപ്പാന്റെ പരമ്പരാഗത ആചാരങ്ങളെ ആദരിക്കുന്നതോടെപ്പം ആഘോഷങ്ങളില്‍ ഏത് രീതിയില്‍ പാവകള്‍ ക്രമീകരിക്കണം എന്ന് പുതുതലമുറയെ പഠിപ്പിക്കുക എന്നതു കൂടിയാണ് ആപ്പിന്റെ പിന്നിലുള്ള ലക്ഷ്യം. ഹിനാഡന്‍(HINADAN) എന്ന് പേരിട്ടിരിക്കുന്ന ഈ ആപ്പില്‍ സ്‌ക്രീനില്‍ ആദ്യം കാണിക്കുന്ന 12 പാവകള്‍ യഥാര്‍ത്ഥ സ്ഥാനത്ത് കൊണ്ടെത്തിക്കുക എന്നതാണ് ചെയ്യേണ്ടത്.

നേരത്തെ തന്നെ ജപ്പാനീസ്,ഇംഗ്ലീഷ് ഭാഷകളിലെ ബ്ലോഗ് എഴുത്തുകാരിയായ വക്കാമിയ ഡിജിറ്റല്‍ ലോകത്തെ വിസ്മയമായി മാറുകയാണ്.