അംബല: ചണ്ഡീഗഢില്‍ കാറും ട്രക്കും കൂട്ടിയിടിച്ച് എട്ടു പേര്‍ മരിച്ചു. നാരായണ്‍ഖഡില്‍ ഇന്ന് രാവിലെയായിരുന്നു അപകടം. സംഭവത്തില്‍ നാല് പേര്‍ക്ക് പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. ഇവരുടെ നില ഗുരുതരമാണെന്ന് ആശുപത്രി അധികൃതര്‍ അറിയിച്ചു.

കാറിലുണ്ടായിരുന്നവര്‍ മീസാപൂരില്‍ ഒരു കല്യാണ ചടങ്ങില്‍ പങ്കെടുക്കാന്‍ പോവുകയായിരുന്നു. അമിത വേഗതയില്‍ എതിരെ വന്ന ട്രക്ക് കാറിലിടിച്ചാണ് അപകടമുണ്ടായത്.