റിയാദ്: സൗദിയിൽ പെട്രോൾ വിലയിൽ നേരിയ വർധനവ്. പുതുക്കിയ നിരക്ക് ഇന്ന് മുതൽ നിലവിൽ വന്നു. സൗദി അറാംകോ പ്രഖ്യാപിച്ച പുതിയ നിരക്ക് പ്രകാരം 91 പെട്രോളിന്‌ ലിറ്ററിന്‌ അഞ്ച് ഹലാല വർധിച്ച് 1.55 റിയാലും 95 പെട്രോളിന്‌ ആറ്‌ ഹലാല വർധിച്ച് 2.11 റിയാലുമായുരിക്കും. 2019 ഒക്ടോബറിലാണ്‌ അവസാനമായി പെട്രോൾ വിലയിൽ വർധനവുണ്ടായത്. ഇനി മുതൽ എല്ലാ മാസവും 10ന്‌ പുതിയ പെട്രോൾ നിരക്ക് പ്രഖ്യാപിക്കുകയും 11 മുതൽ നടപ്പിലാക്കുകയും ചെയ്യുമെന്ന് സൗദി അറാംകോ അറിയിച്ചു.