റിയാദ്: സഊദിയിൽ നടപ്പിലാക്കി വരുന്ന സഊദി വൽക്കരണം കൂടുതൽ ശക്തമാക്കുന്നതിന്റെ ഭാഗമായി ലേബർ അവാർഡുമായി തൊഴിൽ മന്ത്രാലയം രംഗത്ത്. സ്വകാര്യ മേഖലയിലെ സ്ഥാപനങ്ങളെ കൂടുതൽ പ്രചോദനം നൽകി സഊദിവത്കരണം ഉയർത്തുന്നതിന്റെ ഭാഗമായാണ് ലേബർ അവാർഡുമായി സഊദി തൊഴിൽ മന്ത്രാലയം രംഗത്തെത്തിയത്. തൊഴിൽ, സാമൂഹിക വികസന മന്ത്രി എൻജിനീയർ അഹ്മദ് അൽ റാജ്ഹിയാണ് ഇതുമായി ബന്ധപ്പെട്ട തീരുമാനം പ്രഖ്യാപിച്ചത്. സഊദി വൽക്കരണം ഉയർത്താനും തൊഴിൽ സാഹചര്യങ്ങൾ മെച്ചപ്പെടുത്താനും സ്വകാര്യ മേഖലയെ പ്രോത്സാഹിപ്പിക്കുന്നതിനാണ് പുതിയ പുരസ്‌കാരങ്ങൾ പ്രഖ്യാപിച്ചത്. 

         മികച്ച തൊഴിൽ സാഹചര്യം, മികച്ച സഊദി വൽക്കരണം എന്നിങ്ങനെ രണ്ടു വിഭാഗങ്ങളിലായി നിരവധി  അവാർഡുകളാണ് നൽകുന്നത്. ഇതിൽ 

മികച്ച തൊഴിൽ അന്തരീക്ഷത്തിനുള്ള വിഭാഗത്തിൽ ആകെ ആറു അവാർഡുകളും സഊദി ദിവൽക്കരണ വിഭാഗത്തിൽ പന്ത്രണ്ട് അവാർഡുകളുമടക്കം 18 അവാർഡുകളാണ് സമ്മാനിക്കുക. വൻകിട സ്ഥാപനങ്ങൾക്കുള്ള ജനറൽ അവാർഡ്, ചെറുകിട - ഇടത്തരം സ്ഥാപനങ്ങൾക്കുള്ള അവാർഡ്, വിജയ സാധ്യതയുള്ള സ്ഥാപനങ്ങൾക്കുള്ള പുരസ്‌കാരം, ഒമ്പതു വ്യത്യസ്ത മേഖലകളിൽ സഊദി ദിവൽക്കരണം ഉയർത്തുന്ന സ്ഥാപനങ്ങൾക്കുള്ള അവാർഡുകൾ എന്നിങ്ങനെ ആകെ 12 അവാർഡുകളാണ് സഊദി വൽക്കരണ മേഖലയിൽ നൽകുക. 

     സ്ഥാപനങ്ങളിലെ സഊദി വൽക്കരണ തോത്, വിവിധ തസ്തികകളിൽ വിദേശ സ്വദേശി അനുപാതം, സ്വദേശികളുടെ തൊഴിൽ സ്ഥിരത, തൊഴിൽ അന്തരീക്ഷം, വേതന സുരക്ഷാ പദ്ധതി,