ആറ്റിങ്ങല്‍: അഞ്ഞൂറ് രൂപയുടെ ഫോട്ടോകോപ്പിയുമായി ബിവറേജസില്‍ മദ്യം  വാങ്ങാനെത്തിയ  രണ്ടു യുവാക്കളെ ജീവനക്കാര്‍ തടഞ്ഞു വച്ച് പൊലിസില്‍ ഏല്‍പിച്ചു. അവനവഞ്ചേരി ഹൈസ്‌കൂളിനു സമീപം പണ്ടാരത്ത് വിള വീട്ടില്‍ വിഷ്ണു( 25), മേലാറ്റിങ്ങല്‍ കിടുത്തട്ട് ക്ഷേത്രത്തിനു സമീപം ഉത്രാടത്തില്‍   ഷിബിന്‍( 24 ) എന്നിവരാണ് പിടിയിലായത്.  ആറ്റിങ്ങല്‍ ബിവറേജ് ഔട്ട്‌ലെറ്റിലാണ് സംഭവം.
നല്ലതിരക്കുള്ള സമയത്ത് എത്തിയ  യുവാക്കള്‍ മദ്യം വാങ്ങിയശേഷം രണ്ട് അഞ്ഞൂറ് രൂപ നോട്ടുകള്‍ നല്‍കി. അതില്‍ ഒന്ന് ഫോട്ടോകോപ്പിയായിരുന്നു. ഇത് മനസ്സിലാക്കിയ ജീവനക്കാര്‍ ഇവരെ തടഞ്ഞു വച്ച് പൊലിസില്‍ വിവരം അറിയിച്ചു.
  ഇതില്‍ ഷിബിന്റെ വിവാഹം നടന്നിട്ട് മൂന്ന്  ആഴ്ചയേ ആയുള്ളു. വിവാഹത്തിന് ആരോ സംഭാവന നല്‍കിയനോട്ടാണ് കൊണ്ട് വന്നതെന്ന്  അയാള്‍ പൊലിസിനോട് പറഞ്ഞു.  ഒറ്റ നോട്ടത്തില്‍ തന്നെ തിരിച്ചറിയാവുന്ന നോട്ട്   തിരക്കുള്ള സമയം ബിവറേജില്‍നല്‍കി മാറാനായിരുന്നു ശ്രമമെന്നാണ് പൊലീസിന്റെ നിഗമനം. ഇതിന്റെ ഉറവിടംഅന്വേഷിക്കുകയാണെന്ന്എസ്.ഐ തന്‍സീം പറഞ്ഞു.