തലശ്ശേരി: കതിരൂര്‍ നാലാംമൈലില്‍ നാമത്ത് സി.പി.എം അനുഭാവിയുടെ വീടിനു നേരെ ബോംബേറ്. ബുധനാഴ്ച അര്‍ദ്ധരാത്രിയോടെയാണ് പൊന്ന്യം കുന്നുമ്മല്‍ വീട്ടില്‍ നരോന്‍ വിജയന്റെ വീടിനു നേരെ ബോംബേറുണ്ടായത്. വീട്ടു മുറ്റത്ത് വീണ ബോംബ് പൊട്ടിത്തെറിച്ച് വീടിന്റെ മുന്‍ഭാഗത്തുള്ള ജനല്‍ ചില്ലുകള്‍ തകര്‍ന്നിട്ടുണ്ട്. കതിരൂര്‍ പൊലിസ് നടത്തിയ പരിശോധനയില്‍ ബോംബിന്റെ അവശിഷ്ടങ്ങള്‍ കണ്ടെത്തിയിട്ടുണ്ട്. പൊന്ന്യം ജോളി ലൈബ്രറിയുടെ മുന്‍ സെക്രട്ടറിയായിരുന്നു വിജയന്‍. എ.എന്‍ ഷംസീര്‍ എം.എല്‍.എ വീട് സന്ദര്‍ശിച്ചു. ബോംബേറിനു പിന്നില്‍ ആര്‍.എസ്.എസ് പ്രവര്‍ത്തകരാണെന്ന് സി.പി.എം ആരോപിച്ചു.