ആലപ്പുഴ : തെക്കനാര്യാട് ഗവ. വി.വി.എസ്.ഡി എല്‍.പി സ്‌കൂള്‍ വാര്‍ഷികാഘോഷം വിവിധങ്ങളായ പരിപാടികളോടെ സ്‌കൂള്‍ അങ്കണത്തില്‍ നടത്തി. കുട്ടികള്‍ക്കായി നടത്തിയ കാവ്യ-കഥാ സല്ലാപം ചുനക്കര ജനാര്‍ദ്ദനന്‍ പങ്കെടുത്തു. അധ്യാപക രക്ഷകര്‍തൃ സംഗമം ആര്യാട് ബ്ലോക്ക് പഞ്ചായത്ത് പ്രസിഡന്റ് ഷീന സനല്‍കുമാര്‍ ഉദ്ഘാടനം ചെയ്തു.
കലാപരിപാടി പഞ്ചായത്ത് വൈസ്. പ്രസിഡന്റ് വിപിന്‍ രാജ് ഉദ്ഘാടനം ചെയ്തു. രണ്ടാം ദിവസം നടന്ന വാര്‍ഷിക സമ്മേളനം പഞ്ചായത്ത് പ്രസിഡന്റ് കവിതാ ഹരിദാസ് ഉദ്ഘാടനം ചെയ്തു.
ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.ടി മാത്യു മുഖ്യപ്രഭാഷണം നടത്തി. കുട്ടികള്‍ക്കുള്ള സ്‌കോളര്‍ഷിപ്പ് വിതരണം വിദ്യാഭ്യാസ ഓഫിസര്‍ സി.ഡി ആസാദ് നിര്‍വഹിച്ചു.
ആശംസകള്‍ അര്‍പ്പിച്ചു കൊണ്ട് ചലച്ചിത്ര താരം എം.ടി റിയാസ്, അനിതാഗോപിനാഥ്, കെ.കെ ഉല്ലാസ് എന്നിവര്‍ സംസാരിച്ചു. എസ്.എം.സി ചെയര്‍മാന്‍ എന്‍.ജെ ജോസഫ് അധ്യക്ഷത വഹിച്ച യോഗത്തില്‍ സ്‌കൂള്‍ ഹെഡ്മിസ്ട്രസ് പീതി ജോസ് സ്വാഗതവും, സ്റ്റാഫ് സെക്രട്ടറി ടി.ആര്‍ മിനിമോള്‍ നന്ദിയും രേഖപ്പെടുത്തി.