ചെര്‍പ്പുളശ്ശേരി: സമസ്ത കേരള ജംഇയ്യത്തുല്‍ ഉലമ പാലക്കാട് ജില്ലാ കമ്മിറ്റിയുടെ ആഭിമുഖ്യത്തില്‍ ഈ മാസം 15ന് രാവിലെ 10 മണിക്ക് കരിമ്പ പള്ളിപ്പടി എം.ഐ.എസ് ഹാളില്‍ സമസ്ത സാരഥികള്‍ക്കു നല്‍കുന്ന സ്വീകരണ സമ്മേളനവും ത്വരീഖത്ത് പഠന ക്ലാസും വിജയിപ്പിക്കാന്‍ സമസ്ത പാലക്കാട് ജില്ലാ കോഡിനേഷന്‍ കമ്മിറ്റിയോഗം തീരുമാനിച്ചു. സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍, ജന.സെക്രട്ടറി ശൈഖുല്‍ ജാമിഅ കെ. ആലിക്കുട്ടി മുസ്‌ലിയാര്‍, ട്രഷറര്‍ അല്‍ഹാജ് സി.കെ.എം സ്വാദിഖ് മുസ്‌ലിയാര്‍ പങ്കെടുക്കും. അബ്ദുല്‍ ഗഫൂര്‍ അന്‍വരി മൂതൂര്‍ ത്വരീഖത്ത് ക്ലാസിന് നേതൃത്വം നല്‍കും.
എസ്.എം.എഫ് ജില്ലാ കമ്മിറ്റി ഏപ്രില്‍ ആദ്യവാരത്തില്‍ നടത്തുന്ന ജില്ലാ ഖത്തീബ് സംഗമം, എസ്.വൈ.എസ് ജില്ലാ കമ്മിറ്റി മാര്‍ച്ച്, ഏപ്രില്‍, മെയ് മാസങ്ങളില്‍ തഖ്ദീം 2017 എന്ന പേരില്‍ ആചരിക്കുന്ന ത്രൈമാസ ക്യാംപയ്ന്‍, ഏപ്രില്‍ 14, 15, 16 തിയ്യതികളില്‍ മണ്ണാര്‍ക്കാട് നടക്കുന്ന എസ്.കെ.എസ്.എസ്.എഫ് ജില്ലാ സമ്മേളനം എന്നീ പരിപാടികള്‍ വിജയിപ്പിക്കാനും യോഗം തീരുമാനിച്ചു.
മസ്ത ജില്ലാ പ്രസിഡന്റ് സയ്യിദ് കെ.പി.സി തങ്ങള്‍ വല്ലപ്പുഴ അധ്യക്ഷനായി. അല്‍ഹാജ് സി.കെ.എം സ്വാദിഖ് മുസ്‌ലിയാര്‍ ഉദ്ഘാടനം ചെയ്തു. എം.പി കുഞ്ഞുമുഹമ്മദ് മുസ്‌ലിയാര്‍ നെല്ലായ, സയ്യിദ് പി.കെ ഇമ്പിച്ചിക്കോയ തങ്ങള്‍ പഴയ ലെക്കിടി, വി.എ.സി കുട്ടിഹാജി പഴയലെക്കിടി, സി. മുഹമ്മദലി ഫൈസി കോട്ടോപ്പാടം, ടി.എം ഖാസിം മുസ്‌ലിയാര്‍ വല്ലപ്പുഴ, ഇ.വി ഖാജാ ദാരിമി തൂത, സാദാലിയാഖത്തലി ഖാന്‍ ഹാജി കല്ലടിക്കോട്, അഡ്വ. നാസര്‍ കാളംപാറ, കീഴാടയില്‍ മുഹമ്മദ്കുട്ടി മാസ്റ്റര്‍ ഇരുമ്പാലശ്ശേരി, കെ.പി.എ സമദ് മാസ്റ്റര്‍ പൈലിപ്പുറം, പി. മുഹമ്മദ്കുട്ടി മാസ്റ്റര്‍ കൂടല്ലൂര്‍, സയ്യിദ് ശിഹാബുദ്ധീന്‍ തങ്ങള്‍ വല്ലപ്പുഴ, കെ. ആരിഫ് ഫൈസി തിരുവേഗപ്പുറ, അശ്ക്കര്‍ കരിമ്പ ചര്‍ച്ചയില്‍ പങ്കെടുത്തു.
കോഡിനേഷന്‍ കമ്മിറ്റി ചെയര്‍മാന്‍ ഇ. അലവി ഫൈസി കുളപ്പറമ്പ് സ്വാഗതവും കണ്‍വീനര്‍ ടി.കെ മുഹമ്മദ്കുട്ടി ഫൈസി കരുവാന്‍പടി നന്ദിയും പറഞ്ഞു.