വൈക്കം :വൈക്കം പടിഞ്ഞാറെ നടയിലെ ആയിരപ്പള്ളില്‍ ആര്‍ക്കേഡ്‌സിലെ പുതിയ കെട്ടിടത്തിലേക്ക് മാറുന്ന സൂപ്പര്‍മാര്‍ക്കറ്റിന്റെ ഉദ്ഘാടനം ഇന്ന് ഉച്ചയ്ക്ക് 12 ന് ഭക്ഷ്യ-പൊതുവിതരണ വകുപ്പ് മന്ത്രി പി. തിലോത്തമന്‍ നിര്‍വഹിക്കും. ചടങ്ങില്‍ സി.കെ ആശ എം.എല്‍.എ അധ്യക്ഷത വഹിക്കും. ആദ്യ വില്പന വൈക്കം നഗരസഭാ ചെയര്‍മാന്‍ അനില്‍ ബിശ്വാസ് നിര്‍വഹിക്കും. വൈക്കം ബ്ലോക്ക് പഞ്ചായത്ത് പ്രസിഡന്റ് എം.വൈ ജയകുമാരി ആദ്യവില്പന സാധനങ്ങള്‍ ഏറ്റുവാങ്ങും. നഗരസഭ വൈസ് ചെയര്‍പേഴ്‌സണ്‍ എ.സി മണിയമ്മ, ആരോഗ്യ സ്റ്റാന്റിംഗ് കമ്മിറ്റി ചെയര്‍മാന്‍ ബിജു വി കണ്ണേഴന്‍, ജില്ലാ പഞ്ചായത്ത് അംഗങ്ങളായ പി. സുഗതന്‍, അഡ്വ. കെ.കെ. രജ്ഞിത്, കൗണ്‍സിലര്‍ ആര്‍. സന്തോഷ്, സ്‌പ്ലൈകോ ജനറല്‍ മാനേജര്‍ കെ.വേണുഗോപാല്‍, ജില്ല സപ്ലൈ ഓഫീസര്‍ ലളിതാകുമാരി തുടങ്ങിയവര്‍ പങ്കെടുക്കും.