കൊച്ചി: പ്രിന്‍സിപ്പലിന്റെ കസേര കത്തിച്ച കേസില്‍ മഹാരാജാസ് കോളജ് യൂനിയന്‍ ചെയര്‍മാനെയും മറ്റ് മൂന്നു പേരെയും അന്വേഷണ വിധേയമായി സസ്‌പെന്റ് ചെയ്തു.
എസ്.എഫ്.ഐ പ്രവര്‍ത്തകനും യൂനിയന്‍ ചെയര്‍മാനുമായ അശ്വിന്‍ പി. ദിനേശ് (ബിഎസ്.സി ഫിസിക്‌സ്), അഫ്രീദി (ബി.എ ഫിലോസഫി), ഹരികൃഷ്ണന്‍ (എം.എ പൊളിറ്റിക്‌സ്) വിഷ്ണു സുരേഷ് (ബിഎസ്.സി എന്‍വയോണ്‍മെന്റല്‍ കെമിസ്ട്രി) എന്നിവരെയാണ് കഴിഞ്ഞ ദിവസം സസ്‌പെന്റ് ചെയ്തതായി അറിയിച്ചത്. നാലു പേരോടും അവരുടെ ഭാഗം വിശദീകരിക്കാന്‍ അവസരം നല്‍കിയിരുന്നെങ്കിലും ആരും ഹാജരായിരുന്നില്ല. മുഹമ്മദ് അമീര്‍, പ്രജിത് കെ. ബാബു എന്നിവരെ ഈ കേസുമായി ബന്ധപ്പെട്ട് പൊലിസ് അറസ്റ്റ് ചെയ്തിരുന്നു.