ജില്ലയിലെ ടൂറിസം സാധ്യത പൂര്‍ണമായും പ്രയോജനപ്പെടുത്താനും ഇതുവഴി വരുമാനവും തൊഴില്‍ അവസരങ്ങളും ഉയര്‍ത്താനുള്ള പദ്ധതികളും പാക്കേജില്‍ ഉള്‍ക്കൊള്ളിച്ചിട്ടുണ്ട്.
ഹൈഡല്‍ ടൂറിസത്തിന്റെ വികസനത്തിനായി പ്രത്യേക കമ്പനി രൂപീകരിക്കും. ഇടുക്കി ആര്‍ച്ച് ഡാമിനോട് ചേര്‍ന്ന് അഡ്വഞ്ചര്‍ പാര്‍ക്ക് സ്ഥാപിക്കും.
മൂന്നാറിലെ ബൊട്ടാണിക്കല്‍ ഗാര്‍ഡന്റെ രണ്ടാം ഘട്ട പദ്ധതി നടപ്പിലാക്കും. മലങ്കര ടൂറിസം പദ്ധതിക്ക് 100 കോടി രൂപയാണ് പാക്കേജില്‍ വകയിരുത്തിയിട്ടുള്ളത്. ഇടുക്കി മെഡിക്കല്‍ കോളജിന് 300കോടി രൂപ വകയിരുത്തിയിട്ടുണ്ട്.
അടുത്ത ഘട്ട നിര്‍മാണ പ്രവര്‍ത്തനങ്ങള്‍ക്കാണ് തുക വകയിരുത്തിയിരിക്കുന്നത്.
പ്രളയത്തില്‍ തകര്‍ന്ന ഗ്രാമീണ റോഡുകളുടെ പുനര്‍നിര്‍മാണത്തിനും 500 കോടി രൂപയുടെ പദ്ധതിയാണ് പുനര്‍ജനിയില്‍ വകയിരുത്തിയിരിക്കുന്നത്. ഇത് ജില്ലയുടെ അടിസ്ഥാന വികസനത്തിന് വന്‍ കുതിച്ചുചാട്ടം ഉണ്ടാക്കും.