പാലക്കാട്: മുണ്ടൂർ എം.ഇ.എസ് യു.പി സ്കൂളിന് നേരെ സാമൂഹികവിരുദ്ധ ആക്രമണം. സ്കൂൾ ബസിന്റെ ചില്ലുകൾ അടിച്ചുതകർത്ത അക്രമികൾ ക്ലാസ് മുറികളിലെ ഫർണിച്ചറുകളും നശിപ്പിച്ചു. ഇന്നലെ രാത്രിയോടെയായിരുന്നു സംഭവം.

ഇന്ന് രാവിലെ സ്കൂൾ തുറക്കാനെത്തിയ അധ്യാപകരും ജീവനക്കാരുമാണ് സ്കൂളും വാഹനങ്ങളും തകർത്ത നിലയിൽ കണ്ടെത്തിയത്. ബസിന്റെ അകത്തും പുറത്തുമുള്ള ഭാഗങ്ങൾക്ക് കനത്ത കേടുപാടുകൾ സംഭവിച്ചിട്ടുണ്ട്. ഇതിന് പുറമെ ക്ലാസ് മുറികളിലെ ബെഞ്ചുകളും ഡെസ്കുകളും, സ്കൂൾ മുറ്റത്തെ ചെടിച്ചട്ടികളും കളിസ്ഥലത്തെ ഉപകരണങ്ങളും അക്രമികൾ തല്ലിത്തകർത്തു.

വിദൂര പ്രദേശങ്ങളിൽ നിന്നടക്കമുള്ള നിരവധി വിദ്യാർഥികൾ സ്കൂളിലെത്താൻ ആശ്രയിച്ചിരുന്ന ബസ് തകർത്തതോടെ കുട്ടികളുടെ യാത്രയും സ്കൂളിന്റെ ദൈനംദിന പ്രവർത്തനങ്ങളും പൂർണ്ണമായും തടസ്സപ്പെട്ട സ്ഥിതിയിലാണ്.

സംഭവത്തിൽ സ്കൂൾ മാനേജ്‌മെന്റ് പൊലിസിൽ പരാതി നൽകി. പരാതിയുടെ അടിസ്ഥാനത്തിൽ സ്ഥലത്തെത്തിയ പൊലിസ് പരിശോധന നടത്തുകയും കേസ് രജിസ്റ്റർ ചെയ്യുകയും ചെയ്തു. അക്രമികളെ കണ്ടെത്താനായി സമീപപ്രദേശങ്ങളിലെ സി.സി.ടി.വി ദൃശ്യങ്ങൾ കേന്ദ്രീകരിച്ച് പൊലിസ് അന്വേഷണം ഊർജ്ജിതമാക്കിയിട്ടുണ്ട്.

In a shocking incident in Palakkad, a group of anti-social elements vandalized a local school. The miscreants caused significant damage to the school property, destroying classroom furniture and vandalizing a school bus parked on the premises. Local authorities have initiated an investigation into the attack.