ഉരുവച്ചാല്‍: നെല്ലൂന്നിയില്‍ ബൈക്കും കാറും കൂട്ടിയിടിച്ച് ബൈക്ക് യാത്രികന് പരുക്ക്. മെരുവമ്പായിയിലെ ഷബ്‌നാസ് (20)നാണ് കാലിനു പരുക്കേറ്റത്.
ഇന്നലെ ഉച്ചയോടെ ബൈക്ക് യാത്രികന്‍ മട്ടന്നൂരില്‍ നിന്നു ഉരുവച്ചാല്‍ ഭാഗത്തേക്ക് വരുമ്പോഴാണ് അപകടം. അപകടത്തില്‍ ബൈക്കിന്റെ മുന്‍ഭാഗം തകര്‍ന്നു.
ഹെല്‍മറ്റ് ധരിച്ചിരുന്നു. അപകടം നടന്ന് ഏറെകഴിഞ്ഞ് അതുവഴിയെത്തിയ ചെങ്കല്ല് കയറ്റിവന്ന ലോറിയാണ് ഷബ്‌നാസിനെ മട്ടന്നൂര്‍ ആശുപത്രിയിലെത്തിച്ചത്.
പിന്നിട് ഇയാളെ പരിയാരം മെഡിക്കല്‍ കോളജിലേക്ക് മാറ്റി.
മട്ടന്നൂര്‍ എസ്.ഐ എ.വി ദിനേശിന്റെ നേതൃത്വത്തില്‍ സംഭവ സ്ഥലത്തെത്തി വാഹനങ്ങള്‍ സ്റ്റേഷനിലേക്ക് മാറ്റി.