കുറ്റ്യാടി: ആദര്‍ശ വിശുദ്ധിയുടെ നൂറാം വര്‍ഷം സമസ്ത ആദര്‍ശ കാംപയിനിന്റെ ഭാഗമായി എസ്.കെ.എസ്.എസ്.എഫ് ജില്ലാ കമ്മറ്റി സംഘടിപ്പിക്കുന്ന പൈതൃക മുന്നേറ്റയാത്രക്ക് പ്രത്യേകം സജ്ജരായ 1001 പ്രവര്‍ത്തകര്‍ അണിനിരന്ന റാലിയോടെ കുറ്റ്യാടിയില്‍ പ്രൗഢോജ്ജ്വല തുടക്കം. യാത്രാനായകന്‍ സയ്യിദ് മുബശിര്‍ തങ്ങള്‍ ജമലുല്ലൈലിക്ക് തൊപ്പി അണിയിച്ച് സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ യാത്ര ഉദ്ഘാടനം ചെയ്തു.
വൈകിട്ട് അഞ്ചോടെ കുറ്റ്യാടിയില്‍ നിന്നാരംഭിച്ച റാലി വിവിധ സ്വീകരണ കേന്ദ്രങ്ങളായ ചേലക്കാട്, വാണിമേല്‍ എന്നിവിടങ്ങളില്‍ പര്യടനം നടത്തി രാത്രി എട്ടിന് എടച്ചേരിയില്‍ സമാപിച്ചു.
കുറ്റ്യാടി ശംസുല്‍ ഉലമാ നഗരിയില്‍ നടന്ന ഉദ്ഘാടന ചടങ്ങില്‍ സ്വാഗത സംഘം ചെയര്‍മാന്‍ ടി.വി.സി അബ്ദുസ്സമദ് ഫൈസി അധ്യക്ഷനായി. ദീനീരംഗത്തെ സംഭാവന പരിഗണിച്ച് കുറ്റ്യാടി മേഖലാ കമ്മിറ്റി സയ്യിദ് സി.എസ്.കെ തങ്ങള്‍ക്ക് നല്‍കുന്ന ആദരവും മേഖലാ വെബ്‌സൈറ്റ് ലോഞ്ചിങ്ങും ജിഫ്‌രി തങ്ങള്‍ നിര്‍വഹിച്ചു.
സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍, എസ്.വൈ.എസ് ജില്ലാ പ്രസിഡന്റ് സി.എച്ച് മഹ്മൂദ് സഅദി, എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി ഒ.പി അഷ്‌റഫ് കുറ്റിക്കടവ്, ജലീല്‍ ബാഖവി പാറന്നൂര്‍, കുഞ്ഞാലന്‍കുട്ടി ഫൈസി, ഖാസിം നിസാമി, സയ്യിദ് അലി തങ്ങള്‍ പാലേരി, അലി അക്ബര്‍ മുക്കം, ഹിള്ര്‍ റഹ്മാനി, ജലീല്‍ ദാരിമി, ശാക്കിര്‍ യമാനി, ജഅ്ഫര്‍ ദാരിമി ഇരുന്നലാട്, നൂറുദ്ധീന്‍ ഫൈസി, സയ്യിദ് ശറഫുദ്ധീന്‍ ജിഫ്‌രി, ജാബിര്‍ കൈതപ്പൊയില്‍, ത്വാഹ യമാനി, അന്‍വര്‍ നല്ലളം, പി.ടി മുഹമ്മദ് ഖാദര്‍ തെയ്യപ്പാറ, നിയാസ് മാവൂര്‍, അസ്‌ക്കര്‍ പൂവാട്ടുപറമ്പ്, റാഷിദ് അശ്അരി, ഷൈജല്‍ അഹമ്മദ്, വി. അബ്ദുറഹ്മാന്‍ മാസ്റ്റര്‍, ഇ. അബ്ദുല്‍ അസീസ് മാസ്റ്റര്‍, അഷ്‌റഫ് അമാനി, ഇസ്മായില്‍ ദാരിമി സംസാരിച്ചു. മേഖലാ പ്രസിഡന്റ് വി.കെ റിയാസ് മാസ്റ്റര്‍ സ്വാഗതവും, സെക്രട്ടറി ഷൗക്കത്തലി ദേവര്‍കോവില്‍ നന്ദിയും പറഞ്ഞു.