വളാഞ്ചേരി: വി.കെ.എം. സ്‌പെഷല്‍ സ്‌കൂള്‍ 15 ാം വാര്‍ഷികാഘോഷം ഇന്ന് വൈകിട്ട് മൂന്നിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
പ്രൊഫ.കെ.കെ. ആബിദ് ഹുസൈന്‍ തങ്ങള്‍ എം.എല്‍.എ. അധ്യക്ഷനാകും. ആര്‍ദ്ര കേരളം സംസ്ഥാന കേന്ദ്രത്തിന്റെ ഉദ്ഘാടനം ആരോഗ്യ സാമൂഹ്യ നീതി വകുപ്പ് മന്ത്രി കെ.കെ. ശൈലജ ടീച്ചറും തൊഴിലുറപ്പ് കാര്‍ഡ് വിതരണം തദ്ദേശ സ്വയം ഭരണ വകുപ്പ് മന്ത്രി ഡോ.കെ.ടി. ജലീലും ഞങ്ങളുടെ കൂടെ എന്ന പദ്ധതിയുടെ ഉദ്ഘാടനം പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടിയും സ്‌നേഹ സ്മിതം പദ്ധതി ഉദ്ഘാടനം പി.വി. അബ്ദുല്‍ വഹാബ് എം.പി.യും റീച്ച് ദി അണ്‍റീച്ച്ഡ് പദ്ധതിയുടെ ഉദ്ഘാടനം എ.പി. അനില്‍ കുമാര്‍ എം.എല്‍.എ.യും സ്റ്റേപ്‌സ് ടു ലൈഫ് എന്ന പദ്ധതിയുടെ ഉദ്ഘാടനം ഐ.ജി. പി. വിജയനും നിര്‍വഹിക്കും.
ഉദ്ഘാടനത്തിന്റെ ഭാഗമായി രാവിലെ 9.30 മുതല്‍ ഉച്ചക്ക് 12.30 വരെ ആര്‍ദ്ര കേരള കൂട്ടായ്മയും സംഘടിപ്പിക്കും. വാര്‍ത്താസമ്മേളനത്തില്‍ വി.കെ.എം. സ്‌പെഷല്‍ സ്‌കൂള്‍ ഡയറക്ടര്‍ സിനില്‍ ദാസ് പൂക്കോട്ട്, പ്രിന്‍സിപ്പല്‍ എന്‍. ജയനാരായണന്‍ സംബന്ധിച്ചു.