പെരിന്തല്‍മണ്ണ: ചെറുകര, മങ്കട എന്നിവിടങ്ങളില്‍ അനധികൃത മദ്യവില്‍പ്പന നടത്തുന്ന രണ്ട് പേര്‍ പെരിന്തല്‍മണ്ണ എക്‌സൈസിന്റെ പിടിയിലായി. മങ്കടയില്‍ വാഹന പരിശോധനക്കിടെ 15 കുപ്പി മദ്യവുമായി സുഫ്‌യാന്‍, ചെറുകരയില്‍ ഓട്ടോറിക്ഷയില്‍ 22 കുപ്പി മദ്യവുമായി ലൈജു എന്നിവരെയാണ് അസിസ്റ്റന്റ് ഇന്‍സ്‌പെക്ടര്‍ ഗ്രേഡ് ടി. മൊയ്തുവിന്റെ നേതൃത്വത്തില്‍ പിടികൂടിയത്. സിവില്‍ എക്‌സൈസ് ഓഫിസര്‍മാരായ ഡി.എസ് ജയകുമാര്‍, പി.എച്ച് പ്രത്യുഷ്, കെ.എം ശിവ പ്രകാശ്, പി. അനീഷ് കുമാര്‍, വി.ടി കമ്മുക്കുട്ടി, പി.കെ ഇന്ദുദാസ്, കെ. സിന്ധു എന്നിവരും സംഘത്തിലുണ്ടായിരുന്നു.