ചെന്നൈ: തമിഴ്‌നാട്ടിലെ ആര്‍.കെ നഗര്‍ ഉപതെരഞ്ഞെടുപ്പില്‍ എ.ഐ.എ.ഡി.എം.കെയുടെ പാര്‍ട്ടി ചിഹ്നമായ രണ്ടില ആര്‍ക്കെന്ന കാര്യത്തില്‍ ഇലക്ഷന്‍ കമ്മീഷന്‍ ഇന്ന് തീരുമാനമെടുക്കും. എ.ഐ.എ.ഡി.എം.കെയിലെ ശശികല വിഭാഗവും പനീര്‍ ശെല്‍വം വിഭാഗവും ചിഹ്നത്തിന് അവകാശവാദം ഉന്നയിച്ചിട്ടുണ്ട്. ജയലളിതയുടെ മരണത്തിനു രണ്ടു വിഭാഗങ്ങളായി പിളര്‍ന്നിരുന്നു. മുഖ്യമന്ത്രി പദത്തിനായി ഇരു വിഭാഗങ്ങളും തമ്മില്‍ തര്‍ക്കവും രൂക്ഷമായിരുന്നു. ഒടുവില്‍ ശശികല പക്ഷം മുഖ്യമന്ത്രി പദം പിടിച്ചെടുക്കുകയും ചെയ്തു.

ജയലളിതയുടെ മരണത്തെത്തുടര്‍ന്നാണ് ഉപതെരഞ്ഞെടുപ്പ് നടക്കുന്നത്. ഏപ്രില്‍ 12നാണ് തെരഞ്ഞെടുപ്പ്. മാര്‍ച്ച് 24 വരെ നോമിനേഷന്‍ നല്‍കാം. ഏപ്രില്‍ 17നാണ് വോട്ടെണ്ണല്‍.