നാദാപുരം: പകര്‍ച്ചവ്യാധികള്‍ പടരുന്ന സാഹചര്യത്തില്‍ തൂണേരി പഞ്ചായത്ത് ആരോഗ്യ ജാഗ്രതാ പരിപാടികള്‍ക്ക് രൂപം നല്‍കി.
ജനപ്രതിനിധികള്‍, വിവിധ രാഷ്ട്രീയ പാര്‍ട്ടികള്‍, തൊഴിലുറപ്പ്, കുടുംബശ്രീ, ആരോഗ്യ പ്രവര്‍ത്തകര്‍, അധ്യാപകര്‍, വ്യാപാരികള്‍, തുടങ്ങിയ വിവിധ മേഖലകളെ സംയോജിപ്പിച്ച് ഗൃഹസന്ദര്‍ശനവും വാര്‍ഡ്തല ശുചീകരണ പ്രവര്‍ത്തനങ്ങളും, ബോധവല്‍ക്കരണവും നടത്തും.
വാര്‍ഡ്തല ശുചീകരണം ഈ മാസം 31 നകം പൂര്‍ത്തീകരിക്കും. പ്രവേശനോത്സവത്തോടനുബന്ധിച്ച് സ്‌കൂള്‍ കുട്ടികള്‍ക്ക് ആരോഗ്യ ജാഗ്രതാ നിര്‍ദേശം നല്‍കും. തൂണേരി പഞ്ചായത്ത് പ്രസിഡന്റ് വളപ്പില്‍ കുഞ്ഞമ്മദ് മാസ്റ്റര്‍ ഉദ്ഘാടനം നിര്‍വഹിച്ചു. മെഡിക്കല്‍ ഓഫിസര്‍ അബ്ദുല്‍ സലാം അധ്യക്ഷനായി.
വൈസ് പ്രസിഡന്റ് സിന്ധു രയരോത്ത്, സ്ഥിരംസമിതി അംഗങ്ങളായ പി. ഷാഹിന, സുജിത പ്രമോദ്, കെ. ചന്ദ്രിക, സനീഷ് കിഴക്കയില്‍, നിര്‍മ്മല, എം.എം രവി, എം.പി അനിത, ബീന പാലേരി, ഡോ. രേഖ, സിസ്റ്റര്‍ പൂര്‍ണിമ ക്ലാസെടുത്തു. സെക്രട്ടറി അനില്‍കുമാര്‍, പി.പി സുരേഷ് കുമാര്‍, കെ.കെ ഹസ്സന്‍ മാസ്റ്റര്‍, എ. മോഹനന്‍, രജീഷ് വി.കെ, അനില്‍ സംസാരിച്ചു.