കോഴിക്കോട്: ലോകോത്തര ബൈക്ക് നിര്‍മ്മാതാക്കാളയ സുസൂക്കിയുടെ ലക്ഷ്വറി ശ്രേണിയില്‍ വരുന്ന ബിഗ് ബൈക്കുകള്‍ കേരള വിപണിയില്‍. ആപ്‌കോ സുസുക്കിയാണ് കേരളത്തിലെ അംഗീകൃത ഡീലര്‍.
ഹോട്ടല്‍ താജ് ഗേറ്റ്‌വേയില്‍ നടന്ന ചടങ്ങില്‍ ബിഗ് ബൈക്കുകളുടെ ഔപചാരിക ഉദ്ഘാടനം സുസൂക്കി മോട്ടോര്‍ സൈക്കിള്‍ ഇന്ത്യ പ്രൈവറ്റ് ലിമിറ്റഡിന്റെ വൈസ് പ്രസിഡന്റ്(സെയില്‍സ്) കെഞ്ചി ഹിറോസാവ നിര്‍വഹിച്ചു. ആപ്‌കോ ഗ്രൂപ്പ് ചെയര്‍മാന്‍ എ.പി അബ്ദുല്‍ കരീം, സുസുക്കി പ്രോഡക്ട് പ്ലാനിങ് ഹെഡ് ഇന്ദര്‍ രണ്‍ദവ, ആപ്‌കോ ഗ്രൂപ്പ് ജോയന്റ് മാനേജിങ്  ഡയറക്ടര്‍ മുഹമ്മദ് കോയ, ഡയറക്ടര്‍ ഷിഹാസ്, സീനിയര്‍ ജനറല്‍ മാനേജര്‍ ജ്യോതീന്ദ്രകുമാര്‍ ചടങ്ങില്‍ സംബന്ധിച്ചു.
ഹയാബുസ, ഇന്‍ട്രൂഡര്‍, ജി.എസ്.എക്‌സ് തുടങ്ങി 15.5 ലക്ഷം മുതല്‍ 22 ലക്ഷംവരെയുള്ള 1000-1800 സി.സി മോഡലുകളുടെ വില്‍പ്പനയും പ്രദര്‍ശനവും കോഴിക്കോട് ഷോറൂമില്‍ ആരംഭിച്ചു.