കൊച്ചി: പാറ്റൂര്‍ ഭൂമിയിടപാടു കേസില്‍ പ്രതികള്‍ നിയമവിരുദ്ധമായി എന്തു നേട്ടമാണ് ഉണ്ടാക്കിയതെന്നു വ്യക്തമാക്കി വിജിലന്‍സ് റിപ്പോര്‍ട്ട് നല്‍കണമെന്നു ഹൈക്കോടതി നിര്‍ദേശിച്ചു.
തിരുവനന്തപുരത്തു പാറ്റൂരില്‍ വാട്ടര്‍ അതോറിറ്റിയുടെ പൈപ്പ് ലൈന്‍ മാറ്റി സ്ഥാപിച്ച് സ്വകാര്യ കെട്ടിട നിര്‍മാതാക്കള്‍ക്ക് ഭൂമി ലഭ്യമാക്കിയെന്ന വിജിലന്‍സ് കേസ് റദ്ദാക്കാന്‍ മുന്‍ ചീഫ് സെക്രട്ടറി ഇ.കെ ഭരത് ഭൂഷണ്‍, ആര്‍ടെക്ക് ബില്‍ഡേഴ്‌സ് എന്നിവര്‍ നല്‍കിയ ഹരജിയിലാണ് സിംഗിള്‍ബെഞ്ചിന്റെ ഇടക്കാല ഉത്തരവ്. ഹരജി പത്തു ദിവസം കഴിഞ്ഞു വീണ്ടും പരിഗണിക്കും.
സ്വകാര്യ കമ്പനിക്കു ഗുണമുണ്ടാകുന്ന തരത്തില്‍ വാട്ടര്‍ അതോറിറ്റി പൈപ്പ് ലൈന്‍ മാറ്റി സ്ഥാപിച്ചുവെന്നാണ് ആരോപണം.