ആംസ്റ്റര്‍ഡാം: കൈയില്‍ നിന്ന് കാപ്പി നിലത്ത് വീണപ്പോള്‍ തൊഴിലാളികളെ കാത്ത് നില്‍ക്കാതെ നിലം ശുചീകരിച്ച ഡച്ച് പ്രധാനമന്ത്രി മാര്‍ക്ക് റട്ടിന് 'കൈയടിയുമായി' സാമൂഹിക മാധ്യമങ്ങള്‍. പാര്‍ലമെന്റിലൂടെ നടന്ന് പോവുമ്പോഴാണ് മാര്‍ക്ക് റട്ടിന്റെ കൈയില്‍ നിന്ന് കാപ്പി താഴെ വീണത് . നിലം വൃത്തിയാക്കാനായി പാര്‍ലമെന്റിലെ ജോലിക്കാര്‍ ഓടിയെത്തിയെങ്കിലും അവരെ കാത്ത് നില്‍ക്കാതെ റട്ട് കാപ്പിക്കപ്പ് എടുത്തു. തുണി ഉപയോഗിച്ച് നിലം വൃത്തിയാക്കി.
സമീപമുണ്ടായിരുന്ന ആരോ വിഡിയോ പകര്‍ത്തി സമൂഹ മാധ്യമങ്ങള്‍ പ്രചരിപ്പിക്കുകയായിരുന്നു. പ്രധാനമന്ത്രിയുടെ വിനയത്തെ സാമൂഹിക മാധ്യമങ്ങള്‍ പുകഴ്ത്തി. അതേ സമയം പ്രശസ്തിക്ക് വേണ്ടിയാണ് റട്ട് ശുചീകരണം നടത്തിയതെന്ന ആരോപണവുമുണ്ട്.