പട്ടിക്കാട്: സംസ്ഥാന പാതയില്‍ രൂപപെട്ട കുഴി വാഹനങ്ങള്‍ക്ക് ഭീഷണിയാവുന്നു. പട്ടിക്കാട് വടപുറം പാതയിലെ അരിക്കണ്ടം പാക്ക് ഷാപ്പ് പടിയിലാണ് കുഴി രൂപ്പപെട്ടിരിക്കുന്നത്. വാഹനങ്ങള്‍ ഇവിടെ അപകടത്തില്‍പ്പെടുന്നത് നിത്യസംഭവമാണ്.
അശാസ്ത്രീയമായ രീതില്‍ പാത നവീകരിച്ചതാണ് ശോചനീയാവസ്ഥക്ക് കാരണമായതെന്ന് നാട്ടുകാര്‍ ആരോപിച്ചു. മഴ പെയ്താല്‍ ഇവിടെ വെള്ളം കെട്ടിനില്‍ക്കുന്ന അവസ്ഥയാണ് .
ഇതേത്തുടര്‍ന്നാണ് റോഡില്‍ കുഴി രൂപപെട്ടത്. രാപകല്‍ ഭേതമന്യേ നിരവധി വാഹനങ്ങള്‍ കടന്നുപോകുന്ന പാതയില്‍ നാട്ടുകാര്‍ സ്ഥാപിച്ച അടയാളമാണ് അപകടങ്ങള്‍ ലഘൂകരിക്കുന്നത്. റോഡിന്റെ ശോചനീയാവസ്ഥക്ക് ഉടന്‍ പരിഹാരം കാണണമെന്നാണ് നാട്ടുകാരുടെ ആവശ്യം.