ന്യൂഡല്‍ഹി: കോണ്‍ഗ്രസ്സിന്റെ രാജ്യസഭാ സീറ്റ് കേരള കോണ്‍ഗ്രസ് എമ്മിന് വിട്ടുനല്‍കിയതില്‍ പാര്‍ട്ടിയില്‍ രൂപം കൊണ്ട പ്രശ്‌നത്തില്‍ വിശദീകരണം തേടി ഹൈക്കമാന്‍ഡ്. കോണ്‍ഗ്രസ് അധ്യക്ഷന്‍ രാഹുല്‍ഗാന്ധിയാണ് വിശദീകരണം തേടിയത്. കേരളത്തിന്റെ ചുമതലയുള്ള മുകുള്‍ വാസ്‌നികിനോടാണ് രാഹുല്‍ ഗാന്ധി വിശദീകരണം തേടിയത്.

രാജ്യസഭാ സീറ്റ് കേരള കോണ്‍ഗ്രസ് എമ്മിന് വിട്ടുനല്‍കിയതില്‍ ശക്തമായ എതിര്‍പ്പുമായി കോണ്‍ഗ്രസ്സിലെ യുവനേതാക്കള്‍ രംഗത്തെത്തിയിരുന്നു. നേരിട്ടും അല്ലാതെയും യുവനേതാക്കള്‍ സംസ്ഥാന നേതൃത്വത്തിന്റെ തീരുമാനത്തോട് അതൃപ്തി രേഖപ്പെടുത്തി. സംഭവം വിവാദമായതോടെയാണ് രാഹുല്‍ ഗാന്ധി വിശദീകരണം തേടിയത്.