പുലാമന്തോള്‍: പെരിന്തല്‍മണ്ണ-പട്ടാമ്പി റൂട്ടില്‍ പുലാമന്തോള്‍ തിരുനാരായണപുരത്ത് സ്വകാര്യ ബസും പിക്കപ്പ് ലോറിയും കൂട്ടിയിടിച്ചു. ഇന്നലെ ഉച്ചയോടെയാണ് അപകടം.
പെരിന്തല്‍മണ്ണ ഭാഗത്തുനിന്നു പട്ടാമ്പി ഭാഗത്തേക്ക് പോകുകയായിരുന്ന ബസും പുലാമന്തോള്‍ ഭാഗത്തുനിന്നു കോഴിയുമായി വന്ന പിക്കപ്പ് ലോറിയും കൂട്ടിയിടിക്കുകയായിരുന്നു.
ഇടിയുടെ ആഘാതത്തില്‍ പിക്കപ്പ് ലോറിയുടെ മുന്‍വശവും മധ്യഭാഗവും പൂര്‍ണമായും തകര്‍ന്നു.