കായംകുളം: കട്ടച്ചിറ വെളളാപ്പള്ളി നടേശന്‍ എന്‍ജിനിയറിങ് കോളജില്‍ വിദ്യാര്‍ഥി ആത്മഹത്യക്കു ശ്രമിച്ച സംഭവത്തില്‍ കോളജ് ചെയര്‍മാനെയും പ്രിന്‍സിപ്പാളിനെയും അറസ്റ്റ് ചെയ്യണമെന്നാവശ്യപ്പെട്ട് കെ.എസ്.യു പ്രവര്‍ത്തകര്‍ വള്ളികുന്നം പൊലിസ് സ്റ്റേഷന്‍ ഉപരോധിച്ചു. ഇന്നലെ വൈകിട്ട് 5.30 നോടെയായിരുന്നു ഉപരോധം കെ.എസ്.യു.സംസ്ഥാന പ്രസിഡന്റ് കെ.എം. അഭിജിത്ത്, ദേശീയ സെക്രട്ടറി റ്റിജിന്‍ ജോസഫ്, നിഥിന്‍ എ.പുതിയിടം.നൗഫല്‍ ചെമ്പകപ്പള്ളി,ആദര്‍ശ്, തുടങ്ങിയവര്‍ നേതൃത്വം നല്‍കി. മൂന്നു ദിവസത്തിനകീഇവരെ അറസ്റ്റ് ചെയ്യുമെന്ന ഉന്നത പൊലിസ് ഉദ്യോഗസ്ഥര്‍ ഉറപ്പു നല്‍കിയതോടെ ഉപരോധം അവസാനിപ്പിച്ചു.