കൊച്ചി: തിരുവനന്തപുരം വിമാനത്താവള സ്വകാര്യവല്‍ക്കരണം ചോദ്യം ചെയ്തു സമര്‍പ്പിച്ച ഹരജിയില്‍ കേന്ദ്രസര്‍ക്കാരിനും അദാനി ഗ്രൂപ്പിനും ഹൈക്കോടതി അടിയന്തര നോട്ടിസ് പുറപ്പെടുവിച്ചു. വിമാനത്താവളത്തിന്റെ നടത്തിപ്പു അദാനി ഗ്രൂപ്പിന് കൈമാറിയതിനെ ചോദ്യം ചെയ്ത് സംസ്ഥാന സര്‍ക്കാര്‍ നല്‍കിയ ഹര്‍ജിയിലാണ് കോടതി നോട്ടിസ് പുറപ്പെടുവിച്ചത്. ജസ്റ്റിസ് ഷാജി പി. ചാലിയാണ് ഹരജി പരിഗണിച്ചത്. കേസില്‍ എതിര്‍ സത്യവാങ്മൂലം സമര്‍പ്പിക്കാന്‍ കോടതി എതിര്‍കക്ഷികള്‍ക്ക് നിര്‍ദേശം നല്‍കി. ഹരജി അടുത്ത വ്യാഴാഴ്ച വീണ്ടും പരിഗണിക്കും.