കൊല്‍ക്കൊത്ത: ഫ്‌ലിപ് കാര്‍ട്ടില്‍ ഹെഡ്‌സെറ്റ് ഓര്‍ഡര്‍ ചെയ്ത കൊല്‍ക്കൊത്ത സ്വദേശിക്ക് കിട്ടിയത് എണ്ണക്കുപ്പി. പരാതി പറയാന്‍ വിളിച്ചപ്പോള്‍ കിട്ടിയതോ ബി.ജെ.പി മെമ്പര്‍ഷിപ്പും.

ഫുട്‌ബോള്‍ ആരാധകനായ യുവാവിനാണ് ഈ അപ്രതീക്ഷിത അനുഭവം. രാത്രി വളരെ വൈകിയുള്ള കളി കാണുമ്പോള്‍ വീട്ടുകാരെ ശല്യപ്പെടുത്തേണ്ടെന്ന് വിചാരിച്ച് യുവാവ് രണ്ട് ഹെഡ് ഫോണ്‍ സെറ്റ് ഓര്‍ഡര്‍ ചെയ്തു.എത്തിയ ഫ്‌ലിപ്കാകാര്‍ട്ട് പാഴ്‌സല്‍ പരിശോധിച്ചപ്പോള്‍ അതില്‍ എണ്ണക്കുപ്പി. പരാതിപ്പെടാനായി പാക്കറ്റിലെ നമ്പറില്‍ വിളിച്ചപ്പോള്‍ കോള്‍ റിംഗ് ചെയ്ത് കട്ടായി. പിറകെ മെസേജ്. താങ്കള്‍ക്ക് ബി.ജെ.പി അംഗത്വം ലഭിച്ചിരിക്കുന്നു. നമ്പര്‍ തെറ്റിയതാകും എന്നു വിചാരിച്ച് വീണ്ടും വിളിച്ചു. അതാ .... വീണ്ടും മെമ്പര്‍ഷിപ്പ്.

ഉടന്‍ ഫ്‌ലിപ് കാര്‍ട്ടിന്റെ കേന്ദ്ര ഓഫിസ് തപ്പിപ്പിടിച്ച് പരാതി പറഞ്ഞു. പാര്‍സല്‍ മാറിയതിനു ഫ്‌ലിപ് കാര്‍ട്ട് ക്ഷമ ചോദിച്ചു . എന്നാല്‍ ബി.ജെ.പി അംഗത്വമെസേജ് വന്നത് അവരുടെ തെറ്റുകൊണ്ടല്ലെന്നും അറിയിച്ചു .

തങ്ങളുടെ നമ്പര്‍ പാര്‍ട്ടിയുടെ ഫേസ്ബുക്ക് പേജില്‍ ഉണ്ടെന്നും അത് ആര്‍ക്കും പങ്കുവയ്ക്കാമെന്നുമായിരുന്നു ബി.ജെ.പി ബംഗാള്‍ ഘടകം അധ്യക്ഷന്റെ പ്രതികരണം.

ഒടുവില്‍ ഫ്‌ലിപ്കാര്‍ട്ടിന്റെ സന്ദേശമെത്തി യുവാവ് വിളിച്ച നമ്പര്‍ മൂന്ന് വര്‍ഷം മുന്‍പ് തങ്ങള്‍ ഉപേക്ഷിച്ചതാണ്. അന്നത്തെ കവറായിരുന്നു പാക്കിംഗിനായി ഉപയോഗിച്ചത്. അങ്ങിനെ പറ്റിപ്പോയതാണ്.