ന്യൂഡല്‍ഹി: ലോക്പാല്‍ സെലക്ഷന്‍ കമ്മിറ്റി യോഗം കോണ്‍ഗ്രസ് നേതാവ് മല്ലികാര്‍ജുന്‍ ഖാര്‍ഗെ ബഹിഷ്‌കരിച്ചു. പ്രതിപക്ഷത്തെ നിശബ്ദരാക്കുന്ന നയമാണ് കേന്ദ്ര സര്‍ക്കാര്‍ സ്വീകരിക്കുന്നതെന്നാരോപിച്ചാണ് അദ്ദേഹം യോഗം ബഹിഷ്‌കരിച്ചത്.
അഴിമതി രഹിത നടപടിയുടെ ഭാഗമായുള്ളതാണ് ലോക്പാല്‍ ബില്‍.
എന്നാല്‍ നിര്‍ണായകമായ ഒരു കാര്യത്തില്‍ പ്രതിപക്ഷത്തെ നിശബ്ദരാക്കാനുള്ള നീക്കമാണ് കേന്ദ്ര സര്‍ക്കാര്‍ സ്വീകരിക്കുന്നതെന്നും ഇത് അംഗീകരിക്കാന്‍ കഴിയാത്ത സാഹചര്യത്തിലാണ് യോഗം ബഹിഷ്‌കരിക്കുന്നതെന്നും പ്രധാനമന്ത്രിക്ക് നല്‍കിയ കത്തില്‍ മല്ലികാര്‍ജുര്‍ ഖാര്‍ഗെ ആരോപിച്ചു. കഴിഞ്ഞ നാല് വര്‍ഷമായിട്ടും ലോക്പാല്‍ ബില്‍ സംബന്ധിച്ച യോഗത്തില്‍ ഏറ്റവും വലിയ പ്രതിപക്ഷ പാര്‍ട്ടിയായിട്ടും പ്രത്യേക ക്ഷണിതാവ് എന്ന നിലയിലാണ് സര്‍ക്കാര്‍ കോണ്‍ഗ്രസിനോട് നിലപാട് സ്വീകരിക്കുന്നതെന്നും ഖാര്‍ഗെ ആരോപിച്ചു.