മാനന്തവാടി: കഞ്ചാവുമായി യുവാവ് പിടിയില്‍. കര്‍ണ്ണാടക കുശാല്‍നഗര്‍ സ്വദേശിയായ മുഹമ്മദ് നിയാസ് (23) ആണ് പിടിയിലായത്. മാനന്തവാടി എക്‌സൈസ് ഇന്‍സ്‌പെക്ടര്‍ എംകെ സുനിലും, എക്‌സൈസ് ചെക് പോസ്റ്റിലെ പ്രിവന്റീവ് ഓഫീസര്‍ കെഎന്‍ ഷാജിമോന്‍, സി.ഇ.ഓ മാരായ സനൂപ്, പ്രിന്‍സ്, സുരേന്ദ്രന്‍ എന്നിവരടങ്ങുന്ന സംഘം നടത്തിയ വാഹനപരിശോധനയിലാണ് 200 ഗ്രാം കഞ്ചാവ് പിടികൂടിയത്. കഞ്ചാവ് കടത്തിയ കെഎ 03 എന്‍ബി 7326 നമ്പര്‍ മാരുതികാറും പിടിച്ചെടുത്തിട്ടുണ്ട്. കണ്ണൂര്‍ ഭാഗത്തേക്ക് കൊണ്ടുപോകുകയായിരുന്ന കഞ്ചാവാണിതെന്ന് പ്രതി വെളിപ്പെടുത്തിയതായി എക്‌സൈസ് അധികൃതര്‍ വ്യക്തമാക്കി.