ശ്രീനഗര്‍: പ്രമുഖ മാധ്യമപ്രവര്‍ത്തകനും റൈസിംഗ് കശ്മീര്‍ ദിനപത്രത്തിന്റെ എഡിറ്ററുമായ ശുജാഅത് ബുഖാരിയുടെ ഘാതകരെ തിരിച്ചറിഞ്ഞു. മൂവര്‍സംഘ കൊലയാളികളില്‍ ഒരാള്‍ പാക് ഭീകരന്‍. മറ്റു രണ്ടു പേര്‍ കശ്മീര്‍ സ്വദേശികളാണ്. ലഷ്‌കര്‍ ഇ തൊയ്ബ ഭീകരനാണ് പാക് സ്വദേശി.
ജൂണ്‍ 14നാണ് റൈസിംഗ് കശ്മീര്‍ ഓഫിസിന് മുന്നില്‍ ശുജാഅത് ബുഖാരി വെടിയേറ്റ് മരിച്ചത്. കശ്മിര്‍ താഴ്‌വരയില്‍ സമാധാനം പുലരുന്നതിന് ബുഖാരി ശ്രമം നടത്തിയതാണ് പാകിസ്താനെ പ്രകോപിപ്പിച്ചതെന്നാണ് പൊലിസ് പറയുന്നത്.
കൊലയ്ക്ക് പിന്നില്‍ പാകിസ്താനില്‍ നിന്നുള്ള ഭീകര സംഘടനയാണെന്ന് നേരത്തെ തന്നെ പൊലിസ് അഭിപ്രായപ്പെട്ടിരുന്നു.