എടവണ്ണപ്പാറ: ബൈക്കുകള്‍ കൂട്ടിയിടിച്ചു ബൈക്ക് യാത്രികന്‍ നടുറോഡിലേക്ക് തലയടിച്ചു വീണു. ഹെല്‍മറ്റ് ധരിച്ചതിനാല്‍ അപകടം ഒഴിവായി. കഴിഞ്ഞ ദിവസം വൈകുന്നേരം എടവണ്ണപ്പാറയില്‍ നിന്നും കൊണ്ടോട്ടിയിലേക്ക് ബൈക്കില്‍ യാത്ര ചെയ്ത യുവാവിനെയാണ് നീറാട് കയറ്റത്തില്‍ നിന്നും ബൈക്ക് ഇടിച്ചു വീഴ്ത്തിയത്. ഇടിയുടെ ആഘാതത്തില്‍ യുവാവ് റോഡിലേക്ക് തലയടിച്ചു വീണെങ്കിലും ജീവന്‍ രക്ഷിക്കാനായത് ഹെല്‍മറ്റ് ധരിച്ചതിനാലാണെന്ന് ദൃക്‌സാക്ഷികള്‍ പറഞ്ഞു. ഹെല്‍മറ്റ് പുറംഭാഗം രണ്ടായി പൊട്ടിയെങ്കിലും ഉള്‍ഭാഗത്തിനു കേടുകളൊന്നും സംഭവിച്ചില്ല . ബൈക്കിന്റെ മുന്‍ഭാഗം പൂര്‍ണമായും തകര്‍ന്നിട്ടുണ്ട് . ജില്ലാ പൊലിസ് മേധാവിയുടെ നേതൃത്വത്തില്‍ ഹെല്‍മറ്റ് ധരിക്കാതെ ഇരുചക്ര വാഹനം ഓടിക്കുന്നവര്‍ക്ക് കര്‍ശനനടപടികള്‍ ആസൂത്രണം ചെയ്തിരുന്നു.