ഷൊര്‍ണൂര്‍ : ഫയര്‍‌സ്റ്റേഷനുകളില്‍ വനിതകളെ നിയമിക്കുന്ന കാര്യം ഉറപ്പായി. ജില്ലാ ആസ്ഥാനമായുള്ള ഫയര്‍‌സ്റ്റേഷനുകളിലായിരിക്കും വനിതകള്‍ക്കുള്ള നിയമനം ലഭിക്കുക.
പരീക്ഷണാടിസ്ഥാനത്തില്‍ സംസ്ഥാനത്ത് ആദ്യമായി നൂറ് പേരെയാണ് നിയമിക്കുക. പ്ലസ് ടു വിദ്യാഭ്യാസ യോഗ്യതയും ചട്ടമനുസരിച്ചുള്ള ശാരീരികയോഗ്യതകളും, നിര്‍ബന്ധമായും നീന്തല്‍ അറിഞ്ഞിരിക്കുകയും വേണം. നിയമനം ലഭിച്ചാല്‍ പരിശീലനത്തിന് പോകേണ്ടിവരും. അടുത്ത രണ്ട് വര്‍ഷത്തിനുള്ളില്‍ ഫയര്‍‌സ്റ്റേഷനുകളില്‍ പ്രാതിനിധ്യം ഉണ്ടാകും.