മസ്കത്ത്: ഇന്ത്യൻ എംബസി കോൺസുലർ ക്യാംപ് ഈ മാസം 29ന് സലാലയിൽ. കോൺസുലർ, കമ്യൂണിറ്റി വെൽഫെയർ, പാസ്പോർട്ട്, വീസ, അറ്റസ്‌റ്റേഷൻ, തുടങ്ങിയവയുമായി ബന്ധപ്പെട്ട സേവനങ്ങൾ ക്യാംപിൽ ലഭിക്കുമെന്ന് മസ്‌കത്ത് ഇന്ത്യൻ എംബസി അറിയിച്ചു.

29ന് രാവിലെ 08.30 മുതൽ വൈകിട്ട് 04.30 വരെ സലാല ഇന്ത്യൻ സോഷ്യൽ ക്ലബ് പരിസരത്ത് വച്ചാണ് ക്യാംപ്. സലാലയിലും സമീപ പ്രദേശങ്ങളിലുമുള്ള ഇന്ത്യൻ പൗരന്മാർക്ക് മുൻകൂർ അപ്പോയിന്റ്മെന്റ് ഇല്ലാതെ തന്നെ ക്യാംപിൽ കോൺസുലർ സേവനങ്ങൾ പ്രയോജനപ്പെടുത്താം.
  
ഇന്ത്യൻ അംബാസഡർ അമിത് നാരംഗ് നേതൃത്വം നൽകുന്ന ഓപ്പൺഹൗസ് വൈകിട്ട് 5.30ന് ആരംഭിച്ച് ഏഴ് മണി വരെ തുടരും. ഓപ്പൺഹൗസിൽ ഇന്ത്യൻ പൗരൻമാർക്ക് തങ്ങളുടെ പരാതികളും ആവശ്യങ്ങളും ഉന്നയിക്കാം. അന്വേഷണങ്ങൾക്കും വിശദ വിവരങ്ങൾക്കുമായി എംബസി ഹെൽപ്പ് ലൈൻ നമ്പറായ 98282270, ഇന്ത്യൻ സോഷ്യൽ ക്ലബ് സലാല നമ്പർ 91491027/23235600 എന്നിവയിൽ ബന്ധപ്പെടാവുന്നതാണ്.

The Indian Embassy in Oman has announced that it will be organizing a consular camp in Salalah on November 29. This camp aims to provide various consular services to Indian citizens residing in Oman.