കണ്ണൂര്‍: യെദ്യൂരപ്പയുടെ നേതൃത്വത്തില്‍ ബി.ജെ.പി നടത്തിയ 1800 കോടിയുടെ ഇടപാട് സംബന്ധിച്ചുള്ള കാരവന്‍ മാഗസിന്‍ റിപ്പോര്‍ട്ട് പുറത്തുവന്ന സാഹചര്യത്തില്‍ സുപ്രിംകോടതി, ഹൈക്കോടതി എന്നിവയുടെ മേല്‍നോട്ടത്തില്‍ അടിയന്തര അന്വേഷണം നടത്തണമെന്നു സി.പി.എം പൊളിറ്റ്ബ്യൂറോ അംഗം പ്രകാശ് കാരാട്ട്. കോഴ വിവാദത്തില്‍ കോടതിയുടെ മേല്‍നോട്ടത്തിലുള്ള അന്വേഷണം മാത്രമേ വിശ്വസിക്കാന്‍ കഴിയൂ.
സി.ബി.ഐ പോലുള്ള ഏജന്‍സി പോലും അഴിമതിക്കാരെ സംരക്ഷിക്കുന്ന നയമാണു പിന്തുടരുന്നത്. അത്തരം ഏജന്‍സികള്‍ അന്വേഷിച്ചാല്‍ സത്യം പുറത്ത് വരില്ലെന്നും കാരാട്ട് പറഞ്ഞു.